Беларуская Палічка
Беларуская Палічка — найстарэйшая і найбольшая (на 2005 год) беларуская электронная бібліятэка, закладзеная ў 1996 годзе[1] беларускім студэнтам з Аўстрыі Андрусём Жвірам[2] коштам уласнай стыпендыі[3].
| Беларуская Палічка | |
|---|---|
| URL | www.knihi.com |
| Тып сайта | Інтэрнэт-бібліятэка |
| Рэгістрацыя | Няма |
| Мова(-ы) | Беларуская |
| Аўтар | Андрусь Жвір |
| Пачатак працы | 1996 |
Сталы склад супрацоўнікаў пры заснаванні налічваў 5 чалавек, у тым ліку дызайнер, сістэмны адміністратар і сканавальнік. На час заснавання ўсе супрацоўнікі, акрамя самога Андруся Жвіра, пражывалі ў Беларусі і займаліся стварэннем электроннага кнігазбору бясплатна. Першымі размешчанымі на сайце кнігамі сталі «100 пытанняў і адказаў з гісторыі Беларусі», «Па слядах аднаго міфу» Міколы Ермаловіча і «Невядомая вайна: 1654—1667» Генадзя Сагановіча. Першым выдавецтвам, што дазволіла свае кнігі пераводзіць у электронны фармат быў «Беларускі кнігазбор».
Да лета 2005 года пры сайце дзейнічаў і форум («Гасцёўня»)[1][4]. З 2001 года «Беларуская Палічка» змяніла адрас на knihi.com Архівавана 4 красавіка 2021.[5].
Зноскі
- ↑ а б Віртуальная бібліятэка // Наша Ніва. № 39, 2005.
- ↑ Ігар Няхведаў. Вызваленчы рок(недаступная спасылка) // Наша Ніва. № 25, 2001.
- ↑ Сяргей Кручкоў. Садаклад: «Беларуская мова ў інфармацыйнай прасторы» Архівавана 20 жніўня 2008. // Сайт Таварыства беларускай мовы імя Францыска Скарыны. Дата доступу: 19 мая 2010
- ↑ Таццяна Мураўёва. Litaraтурны інтэрнэт, або dzie ja? Архівавана 19 чэрвеня 2013. // Дзеяслоў. № 6 (19), 2005.
- ↑ Вольга Караткевіч. Беларускі Дыялог на Інтэрнеце // Радыё «Свабода». 7 студзеня 2001.
Літаратура
правіць- Галіна Канцавая. Літаратурныя скарбы «Беларускай палічкі»: Беларусь у Інтэрнеце // Роднае слова. — 2000. — № 6 (150). — С. 108—109.