Svietacjam
«Svietacjam» (Светацям) — трэці музычны альбом праекта «Pragnavit», выдадзены ў 2006 годзе на лэйбле «Crivia Records», у фармаце Digi-sleeve-CD-дыска з шасцістаронкавым буклетам і спецыяльнай паштоўкай. На вокладцы змешчаны старажытны свастычны беларускі арнаментальны сімвал Айчыны. У афармленні дадатковых інфармацыйных укладак выкарыстаная выява «Шклоўскага ідала», якая была змешчаная таксама на вокладцы папярэдняга альбома «Viede...» гэтага праекта.
Svietacjam | ||||
---|---|---|---|---|
музычны альбом Pragnavit | ||||
Дата выпуску | 2006 | |||
Запісаны | 2006 | |||
Жанр | Ethnic Dark Ambient | |||
Мова песень | Беларуская | |||
Лэйбл | Crivia Records | |||
|
||||
Храналогія | ||||
|
Гэты альбом вельмі адрозніваецца ад папярэдніх прац праекта (багатым выкарыстаннем народных музычных інструментаў, высокай якасцю запісу ды інш.) З гэтага альбома адрадзіўся праект, які цягам 8 гадоў нічога не выдаваў. Музыка створаная на працягу 2005 года. Запіс «пачаты ў 2006 годзе пад канец панавання Зюзі ў гонар адраджэння Крывійскага Светацяму і скончаны падчас Пахавання Стралы»[1].
Як сведчыць выдавец[2], гэты альбом прысвечаны традыцыйна-этнічнай духоўнай культуры балта-славянскага рэгіёну Старой Еўропы.
Удзельнікі стварэння правіць
- Voist: агульная канцэпцыя, музыка, перкусія, сакральная лірыка, заклёны і мармытанні.
- Андрусь Палаўчэня і Кастусь Канцавы (гурт Osimira): стварэнне традыцыйна-этнічных інструментаў і вакальных хтанічных імпрэз.
- STIGMATA design: агульнае аздабленне альбома.
Спіс кампазіцый правіць
- Pjakielny ṡpieū (Пякельны спеў, англ.: Infernal chant)
- Gałaszeṅni Juraty (Галашэнні Юраты, англ.: Cry of Jurata)
- Krumkaczyny zaviej (Крумкачыны завей, англ.: Raven's blizzard)
- Paūnocznaja mroja... ...Szaljonaje paljavaṅnie (Паўночная мроя... ...Шалёнае паляванне, англ.: Northdream... ...Wildhunt)
- U majoj kryvi... (У маёй крыві..., англ.: In my blood...)
- Pad skamjaniełymi promnjami Czornaga Sonca (Пад скамянелымі промнямі Чорнага Сонца, англ.: Under petrified rays of The Black Sun)