«The Wall» (бел.: Сцяна) ― адзінаццаты студыйны альбом брытанскага прагрэсіў-рок-гурта «Pink Floyd». Быў выпушчаны 30 лістапада 1979 года на двух кружэлках. Гэта апошні рэліз гурта, запісаны ў класічным складзе: Дэвід Гілмар (гітара), Роджэр Уотэрс[en] (бас), Нік Мэйсан[en] (ударныя) і Рычард Райт[en] (клавішныя). У падтрымку альбома быў арганізаваны пампезны гастрольны тур[en] са складанымі тэатралізаванымі пастаноўкамі. У 1982 годзе выйшла кінаадаптацыя запісу ― мастацкі фільм «Сцяна[en]».
Як і тры папярэднія дыскі «Pink Floyd», «The Wall» з’яўляецца канцэптуальным альбомам, які даследуе тэму адчужэння і самаізаляцыі. Па сваёй структуры гэта ― рок-опера, сюжэт якой апавядае пра Пінку (галоўны герой спалучае ў сабе рысы самога Уотэрса і першага лідэра гурта ― Сіда Барэта[en]). Душэўны заняпад Пінка пачынаецца са страты бацькі, які гіне падчас Другой сусветнай вайны, пагаршаецца цкаваннем з боку школьных настаўнікаў і празмернай апекай дэспатычнай маці, а затым крахам яго шлюбу; усё гэта прыводзіць яго да добраахвотнага адчужэньня ад грамадcтва. Сцяна ― сімвал гэтага адчужэння. Па словах Уотэрса, ідэя альбома ўзнікла пасля аднаго з канцэртных выступаў гурта падчас турнэ «In the Flesh Tour[en]» (1977), калі ён, не вытрываўшы выхадак аднаго з фанатаў ля сцэны, плюнуў яму ў твар. У выніку ён настолькі востра перажываў свой учынак, што прадставіў уяўную сцяну паміж сабой і аўдыторыяй.
«The Wall» адрозніваецца ад папярэдніх альбомаў «Pink Floyd» больш жорсткім і тэатральным стылем. Райт быў звольнены на стадыі міксавання[en] альбома, тым не менш, ён выступаў з гуртом падчас наступнага турнэ ў якасці сесійнага музыкі. «The Wall» з’явіўся адным з самых камерцыйна паспяховых альбомаў 1980 года, заняўшы верхні радок некалькіх чартаў, у тым ліку «Billboard»; да 1999 года ў ЗША было прададзена звыш 23 мільёнаў копій, дзякуючы чаму «The Wall» увайшоў у тройку самых прадаваных альбомаў у ЗША[en]. Часопіс «Rolling Stone» змясціў гэты запіс на 87-е месца ў сваім спісе «500 найвялікшых альбомаў усіх часоў[en]».
Аўтар усіх кампазіцый, акрамя адзначаных ― Роджэр Уотэрс.
| Аўтар |
| 1. |
«Goodbye Blue Sky» | |
2:49 |
| 2. |
«Empty Spaces» | |
2:07 |
| 3. |
«Young Lust» | Уотэрс, Гілмар |
3:33 |
| 4. |
«One of My Turns» | |
3:34 |
| 5. |
«Don’t Leave Me Now» | |
4:16 |
| 6. |
«Another Brick in the Wall (Part 3)» | |
1:17 |
| 7. |
«Goodbye Cruel World» | |
1:14 |
| Аўтар |
| 1. |
«Hey You» | |
4:41 |
| 2. |
«Is There Anybody Out There?» | |
2:57 |
| 3. |
«Nobody Home» | |
3:12 |
| 4. |
«Vera» | |
1:28 |
| 5. |
«Bring the Boys Back Home» | |
1:26 |
| 6. |
«Comfortably Numb» | Уотэрс, Гілмар |
6:24 |
| Аўтар |
| 1. |
«The Show Must Go On» | |
1:38 |
| 2. |
«In the Flesh» | |
4:13 |
| 3. |
«Run Like Hell» | Уотэрс, Гілмар |
4:21 |
| 4. |
«Waiting for the Worms» | |
4:01 |
| 5. |
«Stop» | |
0:31 |
| 6. |
«The Trial» | Уотэрс, Эзрын |
5:19 |
| 7. |
«Outside the Wall» | |
1:45 |
