Вальварыела шаўкавістая

Вальварыела шаўкавістая (Volvariella bombycina) — від грыбоў роду Похвіца (Volvariella) сямейства Плютэевыя (Pluteaceae).

Вальварыела шаўкавістая
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Плютэевыя Род:  Похвіца Від:  Вальварыела шаўкавістая
Міжнародная навуковая назва
Volvariella bombycina (Schaeff.) Singer, 1951
Сінонімы
Agaricus bombycinus Schaeff., 1774
Выявы на Вікісховішчы NCBI   445424 EOL   191497 MB   307781

Апісанне

Капялюшык 7-18 см у дыяметры, у маладых асобнікаў у форме званочка, затым плоска-выпуклы, сухі, ад белага да светла-вохрыста-карычневага колеру, з густымі, прыціснутымі, радыяльна размешчанымі кудзелістымі лускавінкамі, з бялёсым або жаўтлявым адценнем.

Пласцінкі свабодныя, у маладых грыбоў белыя, затым ружаватыя.

Ножка 7-19 см даўжынёй і 1-2 см дыяметрам, цыліндрычная, бялёсая, у аснове з вялікай, шырокай, мешкаватай вольвай бруднага бела-жоўтага або карычневага колеру.

Мае прыемны смак і пах.

Споравы парашок ружовы. Споры ружаватыя, эліпсоідныя, гладкія.

Распаўсюджанне і экалогія

Гэта рэдкі, але шырока распаўсюджаны від, які сустракаецца ў Азіі, Аўстраліі, Еўропе, Паўночнай Амерыцы і краінах Карыбскага басейна. Сустракаецца летам і восенню ў лісцевых і змешаных лясах, парках і г. д., на жывых і адмерлых ствалах лісцевых дрэў.

Літаратура

• G. J. Krieglsteiner, A. Gminder: Die Großpilze Baden-Württembergs. Band 4, S. 277; Verlag Eugen Ulmer, Stuttgart 2003, ISBN 3-8001-3281-8
• J. Breitenbach, F. Kränzlin: Pilze der Schweiz, Band 4. Verlag Mykologia, Luzern 1995, ISBN 3-85604-040-4