Ігар Васільевіч Кандрацюк
Ігар Васільевіч Кандрацюк (укр.: Ігор Васильович Кондратюк; нар. 14 сакавіка 1962, в. Прыгір’я, Высакапільскі раён, Херсонская вобласць, УССР) — украінскі тэлевядучы і прадзюсер, шоумен.
| Ігар Васільевіч Кандрацюк | |
|---|---|
| укр.: Ігор Васильович Кондратюк | |
 | |
| Род дзейнасці | вядучы навін, вырабнік, рэдактар, тэлевядучы, музычны прадзюсар, тэлепрадзюсар, кінапрадзюсар, шоўмен, гулец у інтэлектуальныя гульні |
| Дата нараджэння | 14 сакавіка 1962 (62 гады) |
| Месца нараджэння | |
| Грамадзянства | |
| Альма-матар | |
| Узнагароды і прэміі |
Хрустальная сава[d] (2008) |
| Сайт | kondratyuk.tv |
 Медыяфайлы на Вікісховішчы | |
Біяграфія правіць
Раннія гады правіць
Нарадзіўся 14 сакавіка 1962 года ў Херсонскай вобласці. У школе працаваў памочнікам камбайнера[2]. З залатым медалём у 1979 годзе скончыў Каланчакскую сярэднюю школу № 1.
У 1984 годзе скончыў фізічны факультэт Кіеўскага нацыянальнага ўніверсітэта імя Тараса Шаўчэнкі (спецыялізацыя — оптыка цвёрдага цела). Пасля заканчэння ВНУ працаваў навуковым супрацоўнікам аддзела малекулярнай біяфізікі Інстытута малекулярнай біялогіі і генетыкі НАН Украіны.
Кар’ера правіць
З 1985 года — член тэлевізійнага клуба «Што? Дзе? Калі?»[3].
З 1991 года працуе на ТБ. Рэдактар, шоумен па працы з публікай і памочнік вядучага ў праграмах «Каханне з першага погляду» і «Брэйн-рынг» тэлеканал «Астанкіна» (Масква). Потым быў суарганізатарам і вядучым матчаў з «Што? Дзе? Калі?» і «Брэйн-рынг» зорак Украіны, Беларусі і Расіі на УТ-1.
У 1992—1994 гадах вёў тэлегульні «5+1» на канале УТ-3, у 1995—1996 гадах — тэлегульні «Праграма перадач на заўтра» (тэлеканал УТ-1).
У 1996 годзе абараніў дысертацыю на суісканне вучонай ступені кандыдата біялагічных навук.
У 1997—2000 гадах быў суаўтарам і вядучым праграмы «Цацкі для вуліцы» на «31 канале» (Масква).
З 1999 па 2019 год — суаўтар, прадзюсар і вядучы праграмы «Караоке на майдане» (тэлеканал «Інтэр», «1+1», СТБ), а ў 2006 годзе вёў праграму «Караоке на Арбаце» на расійскім тэлеканале ТБ Цэнтр.
У 2001—2006 гадах быў вядучым і галоўным рэдактарам тэлепраграмы «інтэлект-шоу LG „Эўрыка!“» на «Інтэр».
У 2003—2008 гадах быў прадзюсарам і суаўтарам праграмы «Шанец».
У 2006 годзе быў прадзюсарам праекта «Зорны дуэт» на Інтэры, у 2007 годзе — аўтарам і прадзюсарам праграмы «Амерыканскі шанец» на 1+1, здымкі якой адбываліся ў ЗША.
З 2009 года па 2017 год — пастаянны суддзя ў конкурсе «Украіна мае таленты».
З 2010 па 2015 і з 2019 год — суддзя песеннага шоу «X-Фактар».
З 21 верасня 2020 года — вядучы ток-шоу «Кандрацюк у панядзелак» на 5 канал[4].
Прадзюсаваў Віталя Казлоўскага, Аляксандра Ваявуцкага, Наталлю Валеўскую, Паўла Табакова, Іну Воранаву, Алесю Кірычук і гурт «Авіятар» (сумесна з Юрыем Нікіціным)[5]. На сённяшні дзень не займаецца прадзюсаваннем.
Асабістае жыццё правіць
Жанаты на Аляксандры Гарадзецкай (у мінулым бухгалтар, цяпер фінансавы дырэктар[6]), ёсць трое дзяцей: Сяргей Кандрацюк — працаваў адміністратарам у праекце «Танцую для цябе», Даніла Кандрацюк і Паліна Кандрацюк[7][8].
Узнагароды і прэміі правіць
Уладальнік каманднага прыза «Крыштальная Сава» клуба «Што? Дзе? Калі?» у складзе каманды Андрэя Казлова[9].
Уладальнік узнагароды Міжнароднага конкурсу «Фаварыты поспеху — 2005» у намінацыі «Вядучы шоу-праграм года»[10].
Уладальнік шасці ўзнагарод «Тэлетрыумф»:
- «Караоке на Майдані» — найлепшая музычная праграма (2003, 2008);
- «Эўрыка!» — найлепшая праграма для дзяцей (2003);
- «Шанец» — найлепшая забаўляльная праграма (2004, 2006).
Зноскі
- ↑ (unspecified title) — 1998.
- ↑ Игорь Кондратюк: «Я стараюсь не работать с непрофессионалами». Архівавана з першакрыніцы 15 снежня 2013. Праверана 28 чэрвеня 2011.
- ↑ Игорь Кондратюк Архівавана 11 чэрвеня 2009. на сайте продюсерского центра «Игра-ТВ»
- ↑ "5 канал запускає лінійку вечірніх токшоу. Серед ведучих – Ігор Кондратюк". Детектор Медиа. 2020-09-21. Праверана 2020-09-22.
- ↑ Игорь Кондратюк: «Мне хватает человеческих радостей» :: ТВ плюс :: Новости региона: Славянск, Краматорск, Николаевка, Святогорск. Архівавана з першакрыніцы 15 сакавіка 2012. Праверана 28 чэрвеня 2011.
- ↑ Игорь Кондратюк / Igor Kondratyuk " LIVEstory — истории из жизни. Архівавана з першакрыніцы 13 верасня 2011. Праверана 28 чэрвеня 2011.
- ↑ О чем пишет стихи Игорь Кондратюк. Архівавана з першакрыніцы 4 ліпеня 2011. Праверана 28 чэрвеня 2011.
- ↑ Игорь Кондратюк: «Детей не бью — могут и сдачу дать» — 7 Листопада 2009 — Караоке на майдані — фан сайт. Архівавана з першакрыніцы 27 красавіка 2014. Праверана 28 чэрвеня 2011.
- ↑ Летопись: 2008 год — зимняя серия Архівавана 30 лістапада 2021. на сайте продюсерского центра «Игра-ТВ»
- ↑ Фавориты Успеха — 2005. Архівавана з першакрыніцы 24 чэрвеня 2013. Праверана 15 чэрвеня 2013.