Іна Снарская

Іна Снарская (нар. 7 сакавіка 1965, Полацк) — беларуская і ўкраінская пісьменніца, журналістка.

Іна Снарская
Асабістыя звесткі
Дата нараджэння	7 сакавіка 1965(1965-03-07) (59 гадоў)
Месца нараджэння	Полацк, Віцебская вобласць, БССР, СССР
Грамадзянства	Украіна
Альма-матар	Полацкі дзяржаўны ўніверсітэт імя Ефрасінні Полацкай Палтаўскі нацыянальны педагагічны ўніверсітэт імя У. Г. Караленкі
Прафесійная дзейнасць
Род дзейнасці	пісьменніца, паэтка
Мова твораў	беларуская

Біяграфія

Нарадзілася ў Полацку ў 1965 годзе. Скончыла Наваполацкі політэхнічны інстытут (будаўнічы факультэт) і Палтаўскі нацыянальны педагагічны ўніверсітэт імя Уладзіміра Караленкі (філалагічны факультэт). З 1987 года жыве на Украіне. Працуе рэдактарам тэлебачання Палтаўскай абласной дзяржаўнай тэлерадыёкампаніі. Аўтар перадач і дакументальных фільмаў, паэтычных зборнікоў: «Пацеркі», «Пачакай, мая птушка…», «Лясная панна», «Кветка гарынь», «Дзве зямлі — дзве долі», «Верасовыя песні зары». Член Саюза беларускіх пісьменнікаў, Нацыянальнай спілкі пісьменнікаў Украіны, Нацыянальнай спілкі журналістазў Украіны.

У 2022 годзе выйшла аповесць «Зачараваны скарб», якая складаецца з кароткіх аповедаў. Месца дзеі — вёскі Сястронкі, Варонічы Полацкага раёна, горад Полацк, час дашкольнага маленства пісьменніцы.

Лаўреат літаратурна-мастацкіх прэмій: Францішка Скарыны (Беларусь), Васіля Сіманенкі, Івана Катлярэўскага, Леаніда Бразава (Україна). Вершы Іны Снарскай перакладаліся украінскай, румынскай, польскай, англійскай мовамі.