Іосіф Мікалаевіч Малюкевіч

Іосіф Мікалаевіч Малюкевіч (1909, в. Восава Мінскай губерніі — ?) — беларускі настаўнік, гісторык.

Іосіф Мікалаевіч Малюкевіч
Дата нараджэння	1909
Месца нараджэння	Мінская губерня, Расійская імперыя
Род дзейнасці	выкладчык універсітэта
Месца працы	БДУ Гродзенскі дзяржаўны ўніверсітэт імя Янкі Купалы
Навуковая ступень	кандыдат гістарычных навук
Альма-матар	гістарычны факультэт БДУ
Узнагароды

Біяграфія

Пасля заканчэння школы-сямігодкі паступіў вучыцца на двухгадовыя педагагічныя курсы ў Мінск. Затым працаваў настаўнікам пачатковай школы, інспектарам раённага аддзела народнай адукацыі, загадчыкам раённага фінансавага аддзела, адказным сакратаром раённай газеты. З 1931 года па 1934 год служыў у Чырвонай Арміі.

Пасля дэмабілізацыі паступіў на гістарычны факультэт Беларускага дзяржаўнага ўніверсітэта. Займаючыся навуковай працай, ён адначасова выкладаў гісторыю ў БДУ.

У час Вялікай Айчыннай вайны быў камандзірам узвода, камандзірам роты, начальнікам штаба палка. Ваяваў на Заходнім, 2-м Прыбалтыйскім і I-м Беларускім франтах.

Пасля вайны была прапанавана праца памочніка загадчыка 1-га аддзела Міністэрства замежных спраў БССР. Акрамя таго, пасада выкладчыка ў БДУ. У сакавіку 1948 года ён быў накіраваны на курсы дысертантаў у Акадэмію грамадскіх навук пры ЦК ВКП(б) у Маскву. Праз год была прысваена навуковая ступень кандыдата гістарычных навук. Са жніўня 1949 па снежань 1955 года — дырэктар Гродзенскага педагагічнага інстытута.

Узнагароды

Узнагароджаны ордэнам Кутузава 3-й ступені (1942) і двума ордэнамі Айчыннай вайны І-й ступені (жнівень, кастрычнік 1944 г.), медалём «За працоўную доблесць».