І з’езд ваенных і рабочых дэпутатаў армій і тылу Заходняга фронту

Першы з'езд ваенных і рабочых дэпутатаў армій і тылу Заходняга фронту. Адбыўся 717 красавіка(2030 красавіка) 1917 г. у Мінску ў будынку гарадскога тэатра. Прысутнічала 850 дэлегатаў з рашаючым і 350 з дарадчым голасам ад вайсковыых часцей фронту і рабочых арганізацый Мінскай, Магілёўскай, Віцебскай і Смаленскай губерняў.

Парадак дня:

  • вайна і мір
  • аб Часовым урадзе
  • аб ваенных, рабочых і сялянскіх арганізацыях
  • прававое становішча салдат і інш.

З'езд прыняў рэзалюцыі за працяг вайны, падтрымку знешняй палітыкі Часовага ўрада. Зацвердзіў праект статута выбарных салдацкіх аорганізацый, выбраў Франтавы камітэт Заходняга фронту. Садзейнічаў арганізацыі салдацкіх мас, далучэнню іх да палітычнай дзейнасці.

ЛітаратураПравіць

  • Першы з'езд ваенных і рабочых дэпутатаў армій і тылу Заходняга фронту // Энцыклапедыя гісторыі Беларусі: У 6 т. / Беларуская Энцыклапедыя; Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. Т. 5: М—Пуд / Рэдкал.: Г. П. Пашкоў (гал. рэд.) і інш. — Мн.: БелЭн, 1999. — 590 с. — С. 479. — ISBN 985-11-0141-9.