Георгій Станіслававіч Таразевіч: Розніца паміж версіямі

Змесціва выдалена Змесціва дададзена

Лінейны

Версія ад 22:45, 31 сакавіка 2011

Георгій Станіслававіч Таразевіч (17 ліпеня 1937, Слабада, цяпер Мядзельскі раён — 21 сакавіка 2003, Мінск) — савецкі і беларускі палітычны дзяяч.

Біяграфія

Георгій Таразевіч нарадзіўся 17 ліпеня 1937 года ў вёсцы Слабада Віленскага ваяводства Польшчы, цяпер Мядзельскага раёна Мінскай вобласці. У 1959 годзе ён скончыў Львоўскі політэхнічны інстытут па спецыяльнасці «інжынер-геадэзіст», празь дзесяць гадоў абараніў кандыдацкую дысертацыю (кандыдат тэхнічных навук).

Праца

1959—1962 — інжынер-геадэзіст геадэзічнага атрада N6 Заходняга аэрагеадэзічнага прадпрыемства, г. Гомель.
1962—1966 — старэйшы геадэзіст, галоўны геадэзіст атрада N6 г. Гомель.
1966—1969 — в. а. дацэнта, старшы выкладчык Беларускага інстытуту інжынераў чыгуначнага транспарта, (Гомель).
1969—1972 — начальнік прадпрыемства N5, г. Мінск.

Партыйная кар’ера

1972—1973 — другі сакратар Савецкага райкама КПБ г. Мінска.
1973—1977 — першы сакратар Савецкага райкама КПБ г. Мінска.
1977—1980 — другі сакратар Мінскага гаркама КПБ.
1980—1983 — старшыня выканкама Мінскага гарадскога Савета народных дэпутатаў.
1983—1985 — першы сакратар Мінскага гаркама КПБ.

З 29 лістапада 1985 па 28 ліпеня 1989 Старшыня Прэзідыума Вярхоўнага Савета БССР.

Уваходзіў у Вярхоўны Савет СССР, дзе ўзначальваў дзьве камісіі: па міжнацыянальных адносінах і планава-бюджэтную. Пабываў у шматлікіх гарачых кропках: у Нагорным Карабаху, Тбілісі, Баку, Вільні.

Кандыдат у члены Палітбюро ЦК КПСС пры М. С. Гарбачове. Давераная асоба М. С. Гарбачова. Выконваў пры Гарбачове функцыі свайго роду пасла па адмысловых даручэннях у гарачых кропках.

У незалежнай Беларусі

Пасля атрымання Беларуссю незалежнасці вярнуўся на Радзіму. Быў першым намеснікам Міністра замежных справаў, Надзвычайным і Паўнамоцным Паслом у Польшчы (1994—1995). Негатыўна паставіўся да правядзення майскага 1995 года рэферэндума. Адкрыта выказаўся ў абарону нацыянальнай сімволікі і беларускай мовы. У чэрвені 1995 распараджэннем Прэзідэнта Беларусі вызвалены ад абавязкаў. Быў блізка звязаны з Сацыял-дэмакратычнай партыяй (Народная Грамада). У лютым 1998 года ўвайшоў у Нацыянальны выканаўчы камітэт, створаны беларускай апазіцыяй. Стаў старшынём камітэта па нацыянальных і рэлігійных адносінах Нацыянальнага выканаўчага камітэта.

Памёр 21 сакавіка 2003 года ў Мінску. Георгія Таразевіча пахавалі на Усходніх могілках у Мінску.