Брестский курьер
«Брестский курьер» (бел.: Брэсцкі кур’ер) — былая інфармацыйна-аналітычная газета ў Брэсце. Заснавальнік — ТАА «Рэдакцыя газеты „Брэсцкі кур’ер“».
| «Брестский курьер» | |
|---|---|
| Арыгінальная назва |
руск.: Брестский курьер |
| Тып | штотыднёвая газета |
| Фармат | 32 старонкі фармату А3 |
| Выдавец | ТАА «Рэдакцыя газеты „Брэсцкі кур'ер“» |
| Галоўны рэдактар | Мікалай Аляксеевіч Аляксандраў |
| Заснавана | 1990 |
| Спыненне публікацый | 2018 |
| Мова | руская і беларуская |
| Галоўны офіс | 224030, Брэсцкая вобласць, Брэст, вул. 17 Верасня, д. 22-24. |
| Тыраж | 5500–6000 |
| Вэб-сайт | bk-brest.by |
Выдавалася ў 1990—2018 гадах на рускай і беларускай мовах штотыдзень. Асвятляла палітычнае, эканамічнае і культурнае жыццё Брэста і вобласці. Была ўдзельніцай Асацыяцыі выдаўцоў рэгіянальнай прэсы «Аб’яднаныя Масмедыі».
У 2015 годзе рэдакцыя вымушана скараціць тыраж газеты праз эканамічныя праблемы[1].
У канцы 2017 года штотыднёвік «Брестский курьер» перажыў цяжкі фінансавы крызіс, у выніку галоўны рэдактар выдання звярнуўся да чытачоў з просьбай пра аказанне газеце матэрыяльнай дапамогі[2]. Аднак зварот не меў чаканага водгуку і рэдакцыю пакінула не толькі каманда журналістаў, за выключэннем галоўнага рэдактара і ягонай жонкі, але і ўвесь дапаможны і тэхнічны персанал. У 2018 годзе друкаваная версія выдання спыніла існаванне[3]. У 2019 годзе ўладальнікі выдання выставілі на продаж абодва рэдакцыйныя будынкі, размешчаных па вул. 17-га верасня, 22-24.
У ліпені 2023 года сайт газеты ўнеслі ў спіс экстрэмісцкіх матэрыялаў[4].
Зноскі
- ↑ Незалежная прэса змагаецца з праблемамі . Беларускае Радыё Рацыя (28 студзеня 2015). Архівавана з першакрыніцы 1 снежня 2020. Праверана 1 снежня 2020.
- ↑ Чаму не выдаецца «Брестский курьер»: зварот галоўрэда да чытачоў з просьбай выратаваць газету
- ↑ «Брэсцкаму кур’еру» — 30 гадоў!(недаступная спасылка). Архівавана з першакрыніцы 14 жніўня 2022. Праверана 13 чэрвеня 2022.
- ↑ В список экстремиcтских материалов добавлены более десяти ресурсов (руск.). Reform.by (11 ліпеня 2023).
Літаратура правіць
- «Брестский курьер» // Республика Беларусь: Энциклопедия в 6 т. Т. 2: А — Герань / редкол. Г. П. Пашков и др. — Минск: БелЭн, 2006. — 912 с : ил. — ISBN 985-11-0341-1. — ISBN 985-11-0371-3 (Т. 2).
Спасылкі правіць
- Афіцыйная старонка «Брэсцкага кур’ера» Архівавана 28 ліпеня 2020.