Алабамскі ўніверсітэт у Хантсвіле

Алабамскі ўніверсітэт у Хантсвіле (англ.: University of Alabama in Huntsville) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Хантсвіл ў штаце Алабама.

Алабамскі ўніверсітэт у Хантсвіле
англ.: University of Alabama in Huntsville
Арыгінальная назва	англ.: University of Alabama in Huntsville
Заснаваны	1950
Студэнты	9 999
Размяшчэнне	Хантсвіл, Алабама, ЗША
Сайт	uah.edu
Медыяфайлы на Вікісховішчы

Агульная характарыстыка

Пачынаючы са студзеня 1950 года ў якасці філіяла Алабамскага ўніверсітэта заняткі ўпершыню праводзіліся ў сярэдняй школе. Аднак стан спраў змяніўся ў 1961 годзе, калі Вернер фон Браўн, нямецкі вучоны-ракетчык, прывезены ў ЗША пасля таго, як працаваў на нацысцкі рэжым, дапамог стварыць навукова-даследчы інстытут для навукоўцаў і інжынераў НАСА з перадавымі праграмамі па тэхніцы і прыродазнаўстве. Першыя ступені бакалаўра былі ўручаны ў маі 1968 года. Праз год Савет папячыцеляў Алабамскага ўніверсітэта прагаласаваў за тое, каб зрабіць Алабамскі ўніверсітэт у Хантсвіле незалежным і аўтаномным кампусам.

Універсітэт ненадоўга прыцягнуў усеагульную ўвагу ў лютым 2010 года, калі прафесар забіў трох чалавек і параніў яшчэ трох падчас сходу выкладчыкаў.

Структура

Універсітэт прапануе 89 праграм атрымання акадэмічных ступеняў, у тым ліку 44 праграмы бакалаўрыяту, 30 праграм магістратуры і 15 праграм аспірантуры праз дзевяць каледжаў: мастацтваў, гуманітарных і сацыяльных навук, бізнесу, адукацыі, інжынерыі, ганаровы каледж, медсястрынства, прафесійнага і бесперапыннага навучання, навук і каледж аспірантуры.

Гл. таксама

• Спіс універсітэтаў штата Алабама

Спасылкі

• На Вікісховішчы ёсць медыяфайлы па тэме Алабамскі ўніверсітэт у Хантсвіле
• Афіцыйная інтэрнэт-старонка ўстановы