Алена Глебаўна Лукашанец

Алена Глебаўна Лукаша́нец (нар. 18 жніўня 1956, Тамбоў, РСФСР) — беларускі мовазнаўца. Кандыдат філалагічных навук (1982), дацэнт (1993), прафесар.

Алена Глебаўна Лукашанец
Дата нараджэння	18 жніўня 1956(1956-08-18) (68 гадоў)
Месца нараджэння	Тамбоў, Тамбоўскі раён[d], Тамбоўская вобласць, РСФСР, СССР
Муж	Аляксандр Аляксандравіч Лукашанец
Дзеці	Сяргей Аляксандравіч Лукашанец
Род дзейнасці	мовазнаўца
Месца працы	БДПУ Нацыянальны інстытут адукацыі Мінскі дзяржаўны лінгвістычны ўніверсітэт
Навуковая ступень	кандыдат філалагічных навук (1982)
Навуковае званне	прафесар
Альма-матар	МДУ (1978)

Біяграфія

Скончыла Маскоўскі дзяржаўны ўніверсітэт (спецыяльнасць «Структурна-прыкладная лінгвістыка», 1978), Інстытут рускай мовы АН СССР (аспірантура, 1981).

У 1984—1996 гадах працавала ў Беларускім дзяржаўным педагагічным універсітэце імя М. Танка (старшы выкладчык, дацэнт); у 1996—1999 гадах у Нацыянальным інстытуце адукацыі Міністэрства адукацыі Рэспублікі Беларусь (старшы навуковы супрацоўнік); з 1999 года — у Мінскім дзяржаўным лінгвістычным універсітэце (дацэнт, прафесар кафедры агульнага мовазнаўства). 30 кастрычніка 2020 год пайшла з МДЛУ ў знак салідарнасці з адлічанымі і звольненымі на фоне пратэстаў у Беларусі.

Навукова-даследчыцкая дзейнасць

Навуковыя інтарэсы: агульнае мовазнаўства, руская мова, сацыялінгвістыка.

Сям’я

У шлюбе з мовазнаўцам Аляксандрам Лукашанцам. Сын Сяргей — кандыдат гістарычных навук, Дзмітрый — кандыдат біялагічных навук.

Выбраная бібліяграфія

• Беларускiя сацыялекты XIX стагоддзя : вопыт тыпалагічнага апісання / А. Г. Лукашанец. — Мінск, 1999.
• Словообразовательная система русского арго и проблемы ее описания / Е. Г. Лукашанец. — Минск, 2007.

Спасылкі

• unicat.nlb.by