Аляксандра Мікалаеўна Гесь

Аляксандра Мікалаеўна Гесь (1 лютага 1940, в. Гусакі, Нясвіжскі раён — 17 сакавіка 2011) — беларускі гісторык.

Аляксандра Гесь
Дата нараджэння	1 лютага 1940(1940-02-01)
Месца нараджэння	Гусакі, Казлоўскі сельсавет, Нясвіжскі раён, Баранавіцкая вобласць, БССР, СССР
Дата смерці	17 сакавіка 2011(2011-03-17) (71 год)
Месца смерці	Гусакі, Казлоўскі сельсавет, Нясвіжскі раён, Мінская вобласць, Беларусь
Грамадзянства	Беларусь
Род дзейнасці	вучоная
Навуковая сфера	гісторыя, архівістыка
Месца працы	Інстытут гісторыі партыі пры ЦК КПБ Нацыянальны архіў Рэспублікі Беларусь БелНДІДАС
Альма-матар	гістарычны факультэт БДУ
Навуковы кіраўнік	Лаўрэнцій Абецэдарскі
Вядомая як	даследніца гісторыі Беларусі 1920-х—1930-х; збіральніца матэрыялаў, датычных біяграфіі Кастуся Каліноўскага

Біяграфія

Скончыла ў 1967 годзе гістарычны факультэт БДУ. Настаўнічала, з 1975 у Інстытуце гісторыі партыі пры ЦК КПБ, з 1991 у БелНДІ дакументазнаўства і архіўнай справы, з 1995 у Нацыянальным архіве Беларусі.

Навуковая дзейнасць

Даследуе нацыянальна-культурнае жыццё Беларусі ў 1920-30-я г., гісторыю археаграфіі, архівазнаўства і літаратуры Беларусі, жыццё і дзейнасць дзеячаў беларускага Адраджэння, пытанні беларусізацыі. Адзін з аўтараў і складальнікаў зборнікаў дакументаў і матэрыялаў «Хроніка найважнейшых падзей гісторыі КПБ» (ч. 3, 1980), «Камуністычная партыя Беларусі ў рэзалюцыях і рашэннях з’ездаў і пленумаў ЦК» (т. 1-3, 1983-85), «Па волі народа: 3 гісторыі арганізацыі БССР і стварэння КПБ», «К. Каліноўскі: 3 друкаванай і рукапіснай спадчыны» (абодва 1988), «Ідэалагічная дзейнасць Кампартыі Беларусі» (ч. 1, 1990), «Антон Луцкевіч: матэрыялы следчай справы НКУС Беларусі» (1997), «Слуцкі збройны чын 1920 г. у дакумэнтах і ўспамінах» (2001) і інш.; адзін з аўтараў кнігі «Памяць» Нясвіжскага раёна (2001).

Выбраная бібліяграфія

• «Калі песня жыве беларуса, будзе жыць беларускі народ!»: Жыццёвы і творчы шлях У. Тэраўскага (разам з У.Ляхоўскім) // Мастацтва. 1996. № 12;
• Учора і сёння: Ці мае беларускі народ сваю мову і сваю культуру // Скарыніч. Мн., 1997. Вып. 3;
• «Імем Беларускай Савецкай Сацыялістычнай Рэспублікі…» (пра рэпрэсіі супраць немцаў у Беларусі ў 30-я гг.) // Форум. 1997-98. № 6-7;
• «Выслаць за межы Беларусі…» // Палітычныя рэпрэсіі на Беларусі ў XX ст.: Матэрыялы навук.-практ. канф. Мн., 1998;
• «Усякі іншы шлях лічу памылковым і шкодным»: Беларусізацыя сельгасакадэміі, год 1925-ы // Акадэмік Гаўрыла Гарэцкі: Успаміны, арт., дак. Мн., 2000;
• Калінінская акруга: хроніка беларускага культурнага жыцьця 1920-х гг. // Спадчына. 2001, № 3.

Літаратура

• Ляхоўскі У. Памяці Аляксандры Гесь // Архэ. — 2011. — № 3. — С. 463—468.