Нацыянальны архіў Рэспублікі Беларусь

Нацыянальны архіў Рэспублікі Беларусь
(НАРБ)
90-летие основания Национальной библиотеки Беларуси.jpg
Будынак Нацыянальнай бібліятэкі, у якім размяшчаецца архіў
Колькасць фондаў 1319
Колькасць адзінак захоўвання 1043778
Дырэктар Андрэй Канстанцінавіч Дземянюк
Месцазнаходжанне пр. Незалежнасці, 116, 220114, г. Мінск, Беларусь
Час працы 8.30 - 17.30;

стол даведак і чытальная зала: аўторак—чацвер 9.00—20.00, пятніца 9.00—18.00, субота 9.00—15.00

Тэлефоны факс 237 67 78
Сайт http://narb.by

Нацыянальны архіў Рэспублікі Беларусь — найбуйнейшае сховішча дакументаў па гісторыі Беларусі XX стагоддзя, адна з вядучых ўстаноў архіўнай галіны Рэспублікі Беларусь.

ГісторыяПравіць

Сваю гісторыю вядзе з 28 мая 1927 г., калі Цэнтральны Выканаўчы Камітэт і Савет Народных Камісараў Беларускай ССР заканадаўча аформілі стварэнне Цэнтральнага архіва Кастрычніцкай рэвалюцыі БССР у г. Менску. У 1930 г. архіў быў пераведзены з г. Менска ў г. Магілёў[1].

У ліпені 1938 г. Цэнтральны архіў Кастрычніцкай рэвалюцыі БССР рэарганізаваны ў Цэнтральны дзяржаўны архіў Кастрычніцкай рэвалюцыі і сацыялістычнага будаўніцтва БССР (ЦДАКР БССР).

У 1941 г. у сувязі з нямецкай акупацыяй тэрыторыі Беларусі ў час Вялікай Айчыннай вайны дзейнасць архіва была прыпынена. Архіў аднавіў сваю працу ў студзені 1944 г. у г. Гомелі, у ліпені 1944 г. ён пераехаў у г. Мінск.

У траўні 1993 г. ЦДАКР БССР перайменаваны ў Беларускі дзяржаўны архіў (БДА). У чэрвені 1995 г. пасля перадачы архіва комплексу дакументаў былога Цэнтральнага партыйнага архіва Кампартыі Беларусі БДА рэарганізаваны ў Нацыянальны архіў Рэспублікі Беларусь[1].

Паводле іншых звестак, на аснове пастановы Савета Міністраў ад 22 красавіка 1992 г. «Аб пытаннях архіваў» 10 жніўня таго ж года Цэнтральны дзяржаўны гістарычны архіў у Мінску быў аб’яднаны з Цэнтральным партыйным архівам КПБ у Нацыянальны архіў Рэспублікі Беларусь, які стаў функцыянаваць на падставе Часовага становішча[2].

Сучасны станПравіць

У сховішчах архіва захоўваецца 1043778 спраў, аб’яднаных у 1319 фондаў.

Нацыянальны архіў Рэспублікі Беларусь забяспечвае захоўванне дакументаў Нацыянальнага архіўнага фонду Рэспублікі Беларусь, вядзе іх дзяржаўны ўлік, прадстаўляе ў Дэпартамент па архівах і справаводству Міністэрства юстыцыі Рэспублікі Беларусь па ўстаноўленых формах звесткі аб захоўваемых дакументах, арганізуе іх рэстаўрацыю, кансервацыю, страхавое капіраванне.

Дырэктары архіваПравіць

Зноскі

  1. 1,0 1,1 Дзяржаўная ўстанова «Нацыянальны архіў Рэспублікі Беларусь» (НАРБ). Гістарычная даведка.
  2. Архіўная справа на Беларусі ў дакументах і матэрыялах (1921―1995 гг.) / Камітэт па архівах і справаводству Рэспублікі Беларусь, Беларускі навукова-даследчы інстытут дакументазнаўства і архіўнай справы (БелНДІДАС). — Мінск: БелНДІДАС, 1996. — 177, [2] с. — С. 84—85. — ISBN 985-6099-10-2.

ЛітаратураПравіць

  • Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн.: БелЭн, 2000. — С. 237. — 560 с.: іл. — 10 000 экз. — ISBN 985-11-0188-5.
  • Энцыклапедыя гісторыі Беларусі: У 6 т. Т. 5: М — Пуд / Беларус. Энцыкл.; Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 1999. — С. 307—308. — 592 с.: іл. — ISBN 985-11-0141-9.

СпасылкіПравіць