Аляксандр Аляксандравіч Смалянскі

Аляксандр Аляксандравіч Смаля́нскі (13 жніўня 1934, былы зернесаўгас «Кастрычнік», Беразнегавацкі раён, Мікалаеўская вобласць, Украіна — 17 верасня 1998) — беларускі харэограф, педагог. Заслужаны артыст БССР (1983).

Аляксандр Аляксандравіч Смалянскі
Дата нараджэння	13 жніўня 1934(1934-08-13)
Месца нараджэння	Бэрэзнэгувацкі раён, УССР, СССР
Дата смерці	17 верасня 1998(1998-09-17) (64 гады)
Адукацыя	Кіеўскае дзяржаўнае харэаграфічнае вучылішча
Прафесія	харэограф
Тэатр	Нацыянальны тэатр оперы і балета Рэспублікі Малдова Нацыянальны акадэмічны Вялікі тэатр оперы і балета Рэспублікі Беларусь
Узнагароды

Біяграфія

Скончыў у 1955 годзе Кіеўскае харэаграфічнае вучылішча. З 1955 года артыст балета Данецкага, саліст і педагог-рэпетытар Малдаўскага тэатраў оперы і балета, педагог Малдаўскага харэаграфічнага вучылішча. З 1964 года балетмайстар-рэпетытар, педагог-рэпетытар, загадчык балетнай трупы Нацыянальнага акадэмічнага тэатра балета Беларусі.

Творчасць

На беларускай сцэне ўдзельнічаў у пастаноўцы балетаў беларускіх кампазітараў «Альпійская балада», «Выбранніца», «Тыль Уленшпігель» Я. Глебава, «Пасля балю» Г. Вагнера, класічных і сучасных балетных спектакляў «Лебядзінае возера», «Шчаўкунок» П. Чайкоўскага, «Папялушка», «Рамэа і Джульета» С. Пракоф'ева, «Бахчысарайскі фантан» Б. Асаф'ева, «Сільфіда» Х. Левенскольда, «Чыпаліна» К. Хачатурана, «Стварэнне свету» А. Пятрова, «Спартак» А. Хачатурана, «Кармэн-сюіта» Ж. Бізэ — Р. Шчадрына, вакальна-харэаграфічнага прадстаўлення «Карміна Бурана» на музыку К. Орфа, «Балеро» М. Равеля.

Літаратура

• Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).