Аляксандр Васільевіч Хомчанка

Аляксандр Васільевіч Хомчанка (нар. 23 сакавіка 1957, в. Свяцілавічы, Веткаўскі раён, Гомельская вобласць) — беларускі фізік-оптык. Доктар фізіка-матэматычных навук (2004), дацэнт (2008).

Аляксандр Васільевіч Хомчанка
Дата нараджэння	23 сакавіка 1957(1957-03-23) (67 гадоў)
Месца нараджэння	Свяцілавічы, Свяцілавіцкі сельсавет, Веткаўскі раён, Гомельская вобласць, БССР, СССР
Грамадзянства	Беларусь
Месца працы	Электратэхнічны факультэт Беларуска-Расійскага ўніверсітэта Інстытут фізікі імя Б. І. Сцяпанава НАН Беларусі Інстытут прыкладной оптыкі НАН Беларусі
Навуковая ступень	доктар фізіка-матэматычных навук
Навуковае званне	дацэнт
Альма-матар	Гомельскі дзяржаўны ўніверсітэт імя Францыска Скарыны

Біяграфія

Скончыў Гомельскі дзяржаўны ўніверсітэт (спецыяльнасць «Фізіка», 1979).

Працаваў у Магілёўскам аддзяленні Інстытута фізікі Акадэміі навук Беларусі (1981—1992, старшы навуковы супрацоўнік), Інстытуце прыкладной оптыкі НАН Беларусі (г. Магілёў; 1992—2004, вучоны сакратар), Беларуска-Расійскім універсітэце (з 2005, электратэхнічны факультэт, кафедра «Фізіка», загадчык кафедры).

Навуковыя інтарэсы: кагерэнтная і нелінейная оптыка; спектраскапія тонкіх плёнак; аптычнае прыборабудаванне; інтэгральная оптыка; оптыка тонкіх плёнак і нанаразмерных структур; методыка выкладання фізікі ў вышэйшай школе.

Бібліяграфія

Волноводная спектроскопия тонких пленок : диссертация … доктора физико-математических наук : 01.04.05 : защищена 05.11.2003 : утверждена 28.04.2004 / Хомченко Александр Васильевич. — Могилев, 2003.

Літаратура

• Хомченко Александр Васильевич // Профессорско-преподавательский состав ММИ — МГТУ — Белорусско-Российского университета (1961—2006). ― Могилев, 2009. — С. 246—247.