Аляксандр Майсеевіч Левін

Аляксандр Майсеевіч Левін (16 сакавіка 1918, г. Екацярынаслаў, Украіна — 17 лютага 1998) — спецыяліст у галіне цепла- і газазабеспячэння. Доктар тэхнічных навук (1968), прафесар (1971). Удзельнік Вялікай Айчыннай вайны.

Аляксандр Майсеевіч Левін
Дата нараджэння	16 сакавіка 1918(1918-03-16)
Месца нараджэння	Екацярынаслаў, Кацярынаслаўская губерня, Украінская Народная Рэспубліка Саветаў[d], РСФСР
Дата смерці	17 лютага 1998(1998-02-17) (79 гадоў)
Грамадзянства	Украіна
Месца працы	Саратаўскі політэхнічны інстытут[d] Полацкі дзяржаўны ўніверсітэт імя Ефрасінні Полацкай
Навуковая ступень	доктар тэхнічных навук (1968)
Навуковае званне	прафесар (1971)
Альма-матар	Харкаўскі політэхнічны інстытут (1941)

Біяграфія

Скончыў Харкаўскі механіка-машынабудаўнічы інстытут (паравозабудаўнічы факультэт, 1941).

Працаваў у інстытуце «ГіпраНДІгаз» (г. Саратаў, намеснік дырэктара па навуцы), Саратаўскім політэхнічным інстытуце (1964—1976, загадчык кафедры «Цеплагазазабеспячэнне і вентыляцыя», дэкан архітэктурна-будаўнічага факультэта), Полацкім дзяржаўным універсітэце (з 1976, у 1978—1990 — загадчык кафедры газазабеспячэння, водазабеспячэння і гідраўлікі, у 1990—1998 — прафесар кафедры цеплагазаводазабеспячэння і вентыляцыі).

Навуковыя інтарэсы: гідраўліка; нестацыянарны рух у газаправодах; працэсы інжэкцыі; эмісія шкоднасцей пры спальванні газу; метады разліку газавых сетак; распрацоўка спецыльных прыбораў.

Бібліяграфія

• Исследование процессов распределения и сжигания газа в городских системах газоснабжения : автореферат диссертации … доктора технических наук : 482 / Левин Александр Моисеевич. — Москва, 1967.

Літаратура

• Левін Аляксандр Майсеевіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 179. — 10 000 экз. — ISBN 985-11-0035-8. — ISBN 985-11-0155-9 (т. 9).
• Левин Александр Моисеевич // Республика Беларусь : энциклопедия : [в 7 т.]. — Минск, 2007. — Т. 4. — С. 422.