Аляксандр Сяргеевіч Арцюшкевіч

Аляксандр Сяргеевіч Арцюшкевіч (нар. 31 студзеня 1947, Барань, Аршанскі раён, Віцебская вобласць) — беларускі вучоны. Доктар медыцынскіх навук (1996), прафесар.

Аляксандр Сяргеевіч Арцюшкевіч
Дата нараджэння	31 студзеня 1947(1947-01-31) (77 гадоў)
Месца нараджэння	Барань, Аршанскі раён, Віцебская вобласць, БССР, СССР
Грамадзянства	Беларусь
Род дзейнасці	навуковец, выкладчык універсітэта
Навуковая сфера	стаматалогія
Месца працы	Аршанскі льнокамбінат ІПКіПКАЗ
Навуковая ступень	доктар медыцынскіх навук (1996)
Навуковае званне	прафесар (1996)
Альма-матар	Смаленскі дзяржаўны медыцынскі інстытут[d] (1970) БДМУ ІПКіПКАЗ

Біяграфія

У 1965 годзе скончыў Аршанскую сярэднюю школу № 2, у 1970 годзе — стаматалагічны факультэт Смаленскага дзяржаўнага медыцынскага інстытута.

Працаваў урачом-стаматолагам Кіраўскай раённай бальніцы Калужскай вобласці, з 1973 па 1975 год — урачом-стаматолагам медыка-санітарнай часткі Аршанскага льнокамбіната, паралельна вучыўся ў клінічнай ардынатуры Мінскага дзяржаўнага медінстытута.

У 1978—1982 гадах вучыўся ў аспірантуры пры кафедры хірургічнай стаматалогіі Беларускага дзяржаўнага інстытута ўдасканалення ўрачоў (БелДІУУ). З 1981 па 1991 год — асістэнт кафедры.

У 1991 годзе абраны на пасаду загадчыка кафедры хірургічнай стаматалогіі БелДІУУ. З 1992 па 1997 год — загадчык кафедры хірургічнай і артапедычнай стаматалогіі. З 1998 года па сённяшні дзень — загадчык кафедры сківічна-тварнай хірургіі БелМАПА.

У 1996 годзе прысвоена званне прафесара.

Навуковая дзейнасць

апублікаваў звыш 150 навуковых прац, у тым ліку даведнікі і практычныя кіраўніцтвы.

Аўтар 11 патэнтаў і аўтарскіх пасведчанняў на вынаходніцтвы. Ён член Вучонага Савета БелМАПА, старшыня праблемнай камісіі БелМАПА. У 2002 годзе за шматгадовую і добрасумленную працу ўзнагароджаны Ганаровай граматай Мінскага абласнога выканаўчага камітэта.

Літаратура

• Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — С. 337. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
• Александру Сергеевичу Артюшкевичу — 60 лет // Современная стоматология. — 2007. — № 1. — С. 118.
• Арцюшкевіч Аляксандр Сяргеевіч // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.]; склад.: Т. Г. Ігнацьева [і інш.]; мастак Э. Э. Жакевіч. — Мінск : БелЭн, 2000. — Кн. 2. — С. 418.