Аляксандр Трафімавіч Кірсанаў

Аляксандр Трафімавіч Кірсанаў (27 жніўня 1880, Старое Чыркава, Хвалынскі раён, Саратаўская вобласць — 30 кастрычніка 1941) — беларускі савецкі аграхімік. Доктар сельскагаспадарчых навук, прафесар (1909).

Аляксандр Трафімавіч Кірсанаў
Дата нараджэння	27 жніўня 1880(1880-08-27)
Месца нараджэння	Старое Чыркава[d], Хвалынскі павет[d], Саратаўская губерня, Расійская імперыя
Дата смерці	30 кастрычніка 1941(1941-10-30) (61 год)
Грамадзянства	БССР
Род дзейнасці	аграхімік
Месца працы	Мінская балотная доследная станцыя Беларускі інстытут сельскай і лясной гаспадаркі[d] Глебавы інстытут[d] Усесаюзная акадэмія сельскагаспадарчых навук імя Леніна
Навуковая ступень	доктар сельскагаспадарчых навук
Навуковае званне	прафесар
Альма-матар	Берлінская вышэйшая сельскагаспадарчая школа[d] (1908)
Член у	Цэнтральны выканаўчы камітэт БССР

Біяграфія

Скончыў у 1908 годзе сельскагаспадарчы інстытут у Берліне. У 1913—1920 гадах кіраўнік Мінскай балотнай станцыі, у 1922—1925 гадах рэктар Беларускага інстытута сельскай і лясной гаспадаркі. У 1931—1941 гадах загадчык лабараторыі аграхіміі Глебавага інстытута АН СССР, потым Усесаюзнай акадэміі сельскагаспадарчых навук. У 1923—1927 гадах член ЦВК БССР.

Навуковая дзейнасць

Асноўныя працы па вывучэнню балот, вапнаванню і ўрадлівасці глебаў. Вывучаў балотныя масівы Беларусі. Аўтар метаду вызначэння даступнай (рухомай) P₂O₅ для раслін у глебе.

Творы

• К вопросам опытного изучения болот Полесья в целях культуры. — Мн., 1914. — (Труды Минской районной опытной болотной станции, № 1);
• Известкование как фактор урожайности.— 3 изд. — М.; Л., 1931.

Літаратура

• Кірсанаў Аляксандр Трафімавіч // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.