Аляксандр Яўгенавіч Катовіч

Аляксандр Яўгенавіч Катовіч (нар. 4 жніўня 1955, г. Брэст) — беларускі архітэктар.

Аляксандр Яўгенавіч Катовіч
Дата нараджэння	4 жніўня 1955(1955-08-04) (68 гадоў)
Месца нараджэння	Брэст, Брэсцкая вобласць, БССР, СССР
Альма-матар	Брэсцкі інжынерна-будаўнічы інстытут (1977)
Месца працы	Брэстпраект
Член у	Беларускі саюз архітэктараў
Узнагароды	Ганаровая грамата Міністэрства архітэктуры і будаўніцтва Беларусі[d] (2005) Грамата Брэсцкага абласнога выканаўчага камітэта[d] (1995, 2007) грамата Брэсцкага абласнога савета дэпутатаў[d] (1999)

Біяграфія

Скончыў у 1977 годзе Брэсцкі інжынерна-будаўнічы інстытут па спецыяльнасці «Архітэктура». У 1979—1980 гадах працаваў архітэктарам у інстытуце «Брэстпраект», у 1980—1995 — кіраўнік групы архітэктараў, з 1995 года галоўны архітэктар праектаў.

Член Саюза архітэктараў Рэспублікі Беларусь.

Творчасць

Найбольш значныя працы: Палац водных відаў спорту з абласным дыспансерам спартыўнай медыцыны, мадэрнізацыя абласной радзільні, хірургічны корпус абласнога анкалагічнага дыспансера, комплекс жылых дамоў у ВМР-5 — усе ў Брэсце, лячэбныя карпусы цэнтральных раённых бальніц у Брэсце, Іванаве, Століне; палац водных відаў спорту з гасцініцай на 140 месцаў у Баранавічах (праект), хірургічны корпус на 260 коек Брэсцкай абласной бальніцы (праект) і інш.

Узнагароды

Узнагароджаны граматамі Брэсцкага абласнога выканаўчага камітэта (1995, 2007), граматай Брэсцкага абласнога савета дэпутатаў (1999), Ганаровай граматай Міністэрства архітэктуры і будаўніцтва РБ (2005).

Літаратура

• Котович Александр Евгеньевич // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)