Апеграфа

Апе́графа (Opegrapha) — род лішайнікаў сямейства рачэліевых.

Апеграфа
Апеграфа чорная (Opegrapha atra)
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Arthoniomycetes Парадак:  Arthoniales Сямейства:  Рачэліевыя Род:  Апеграфа
Міжнародная навуковая назва
Opegrapha Ach.
Сістэматыка на Віківідах Выявы на Вікісховішчы ITIS   612999 NCBI   91479 MB   3582

Апісанне

Слаявіна ў выглядзе шараватай або матавай скарынкі, прымацаваная да субстрату гіфамі. Пладовыя целы нібы ўрэзаны ў слаявіну, авальныя ці падоўжаныя, маюць добра выяўлены край. Сумкі булавападобныя з 8 спорамі, танкасценныя. Споры падоўжаныя, да іголкападобных, прамыя або выгнутыя, папярочна-чатырохклетачныя. Водарасці размяшчаюцца хаатычна.

Пашырэнне

Пашыраны ў розных раслінна-кліматычных зонах. На Беларусі найбольш вядомыя апеграфа чорная (Opegrapha atra) і апеграфа матавая (Opegrapha diaphora). Растуць на ствалах і галінках клёна, граба, асіны, ясеня. Спараносяць у вільготны перыяд зімой і вясной.

Значэнне

Індыкатары забруджвання навакольнага асяроддзя.

Літаратура

• Апеграфа // Беларуская ССР: Кароткая энцыклапедыя. Т. 2. — Мн.: БелСЭ. 1979.