Банкс (астравы)

Астравы Банкс — група вулканічных астравоў на паўднёвым захадзе Ціхага акіяна, паміж астравамі Санта-Крус і Новымі Гебрыдамі. Уваходзіць у склад правінцыі Торба дзяржавы Вануату.

Карта астравоў Банкс

Плошча каля 800 км². Клімат гарачы і вільготны. Трапічная расліннасць.

Гісторыя

Астравы Банкс былі адкрыты іспанскім мараплаўцам родам з Партугаліі Педра Фернандэсам дэ Кірасам у 1606 годзе. Ён праплыў міма вострава Меры-Лава і зрабіў прыпынак каля вострава Гауа, перш чым высадзіцца на востраве Эспірыту-Санта. У 1774 годзе міма астравоў праплыў англійскі мараплавец Джэймс Кук, аднак упершыню яны былі даследаваны Вільямам Блаем (англ.: William Bligh), які назваў групу ў гонар свайго патрона сэра Джозефа Банкса (англ.: Joseph Banks). Востраў Вану-Лава ўпершыню даследаваў новазеландскі біскуп Джордж Агастус Селіўін у 1859 годзе.

На астравах каля 15 мясцовых моў, многія з якіх знаходзяцца пад пагрозай знікнення. Найбольш распаўсюджана мова мвотлап (Mwotlap) (каля 1800 носьбітаў).

У 2009 годзе насельніцтва астравоў складала 8533 жыхары. Асноўнымі заняткамі мясцовых жыхароў з'яўляюцца натуральная сельская гаспадарка (вытворчасць копры, вырошчванне какава і кавы). У мінулым французскай кампаніяй на востраве Вану-Лава вяліся распрацоўкі серы на гары Сурэматамаці.

Развіваецца турызм.

Гл.таксама

• Спіс астравоў Вануату

Літаратура

• Беларуская энцыклапедыя: У 18 т. Т.2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. — 480 с. іл.

Спасылкі

• Карта моў астравоў Банкс