Аўтавакзал Прышціны

Аўтавакза́л Пры́шцінывакзал, заснаваны ў 1977 годзе ў сталіцы сербскага края Косава.

Аўтавакзал Прышціны
BusStationPrishtina.jpg
Тып акцыянернае таварыства
Заснаванне 1977
Размяшчэнне край Косава і Мятохія
Ключавыя постаці Люан Хоці
Галіна сфера паслуг
Паслугі аўтобусныя перавозкі
Абарот 1,101 млн еўра (2018 год)[1]
Аперацыйны прыбытак -176 372 еўра (2018 год)
Чысты прыбытак -176 372 еўра (2018 год)
Аўдытар Канцылярыя рэвізіі Косава
Сайт sap-rks.com

На 2020 год з аўтавакзала штодня ажыццяўлялася 451 перавозка міжгароднімі аўтобусамі і 93 — міжнароднымі. Замежныя паездкі ажыццяўляліся ў 10 краін Еўропы: суседнія Албанію (Тырана, Шкодэр і Эльбасан), Паўночную Македонію (Госцівар, Скоп’е і Цетава), Харватыю (Заграб) і Чарнагорыю (Падгорыца і Улцынь), а таксама ў Аўстрыю, Бельгію, Германію, Славенію, Швейцарыю і Швецыю. Таксама аўтобусы ішлі ў 4 гарады цэнтральнай Сербіі: Буянавац і Прэшава (Пчынская акруга), Бялград і Нові-Пазар (Рашкаўская акруга)[2].

ГісторыяПравіць

У 1977 годзе ў сербскім краі Косава заснавалі грамадскае прадпрыемства «Аўтобусная станцыя ў Прышціне» (СФР Югаславія). У 1983 годзе аўтавакзал перанеслі ў цяперашні будынак. У 2002 годзе Часовая кіраўнічая місія ААН у Косаве зацвердзіла Рашэнне № 12 аб стварэнні Косаўскага давернага агенцтва, якое стала кіраваць прадпрыемствам. У 2015 годзе прадпрыемства пераўтварылі ў акцыянернае таварыства, якое перадалі гарадскому Сходу Прышціны[3].

Зноскі

  1. Фінансавая справаздачнасць і справаздача аўдытара за 2018 год(алб.) , АТ «Аўтобусная станцыя Прышціны» (2019). Праверана 11 мая 2020.
  2. Напрамкі (серб.) . АТ «Аўтобусная станцыя Прышціны» (8 лютага 2020). Праверана 11 мая 2020.
  3. Гісторыя (серб.) . АТ «Аўтобусная станцыя Прышціны» (8 лютага 2020). Праверана 11 мая 2020.

СпасылкіПравіць