Бадуэн V дэ Эно

Бадуэн V (фр.: Baudouin V, 1150 — 17 снежня 1195) — граф Эно з 1171 года, маркграф Намюра з 1184 года пад імем Бадуэн I, граф Фландрыі з 1191 года пад імем Бадуэн VIII.

Бадуэн V дэ Эно
граф Эно 1171 — 1195
Папярэднік	Бадуэн IV дэ Эно[d]
Пераемнік	Балдуін I Фландрскі
Спіс графаў і маркграфаў Намюра 1187 — 1195
Папярэднік	Генрых IV
Пераемнік	Філіп I
граф Фландрыі 1191 — 1194
Папярэднік	Philip I[d]
Пераемнік	Балдуін I Фландрскі
Нараджэнне	1150
Смерць	17 снежня 1195 Монс, акруга Монс[d], правінцыя Эно, Бельгія
Месца пахавання	Монс
Род	Фландрскі дом
Бацька	Бадуэн IV дэ Эно[d]
Маці	Аліса Намюрская[d]
Жонка	Маргарыта I Эльзаская
Дзеці	Ізабела дэ Эно, Балдуін I Фландрскі, Іаланда дэ Эно[d], Філіп I, Генрых I Фландрскі, Юстас Фландрскі[d] і Sybilla of Henao[d]
Медыяфайлы на Вікісховішчы

Біяграфія

Бадуэн V у 1171 годзе атрымаў у спадчыну ад свайго бацькі Бадуэна IV графства Эно. Напачатку свайго кіравання зблізіўся са сваім шваграм, графам Фландрыі Філіпам I Эльзаскім і заключыў з ім у 1177 годзе дагавор аб саюзе.

У 1180 годзе Бадуэн выдаў сваю дачку Ізабелу за караля Францыі Філіпа II Аўгуста, які атрымаў у якасці пасагу Артуа.

У 1189 годзе Бадуэн атрымаў ад імператара графства Намюр, узведзенае ў маркграфства, а ў 1191 годзе пасля смерці Філіпа Эльзаскага атрымаў Фландрыю. За Намюр яму прыйшлося весці вайну з братам жонкі Генрыхам I Намюрскім, з якой ён выйшаў пераможцам у 1194 годзе.

Бадуэн V пакінуў некалькіх сыноў. Фландрыю і Эно атрымаў у спадчыну яго старэйшы сын Бадуэн (Балдуін) VI (1171—1205), Намюр атрымаў другі сын, Філіп I (1175 — 12 кастрычніка 1212).

Шлюб і дзеці

У шлюбе з Маргарытай I Эльзаскай. Ад шлюбу з ёй ён меў наступных дзяцей:

• Ізабела (1170—1190) — жонка караля Францыі Філіпа II.
• Бадуэн VI (1171—1205) — граф Фландрыі і Эно, імператар Лацінскай імперыі.
• Іаланда (1175—1219) — жонка П’ера дэ Куртэнэ.
• Філіп I (1175—1212) — маркграф Намюра.
• Генрых I (1176—1216) — імператар Лацінскай імперыі.
• Сібіла (1179—1217).
• Юстас (памёр у 1219 годзе) — рэгент Фесаланікскага каралеўства.
• Готфрыд.