Баяры (Брэсцкі раён)

Баяры — былая вёска ў Брэсцкім раёне Брэсцкай вобласці. Уваходзіла ў склад Лышчыцкага сельсавета.

Вёска Баяры Краіна Беларусь Вобласць Брэсцкая Раён Брэсцкі Сельсавет Лышчыцкі Каардынаты 52°17′17″ пн. ш. 23°34′14″ у. д. Баяры на карце Беларусі ±

Гісторыя

У XIX ст. вёска ў Брэсцкім павеце Гродзенскай губерні. Уваходзіла ў склад дзяржаўнага маёнтка Марозавічы.

У 1905 годзе вёска ў Лышчыцкай воласці Брэсцкага павета Гродзенскай губерні.

Паводле Рыжскага мірнага дагавора 1921 года ў складзе Польшчы, у Лышчыцкай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну 3 вяскоўцы загінулі, 1 прапаў без вестак.

4 верасня 1972 года далучана да вёскі Цюпрыкі.

Насельніцтва

• XIX стагоддзе:
  • 1858 — 84 сялянскія душы.
  • 1886 — 33 двары, 195 жыхароў.
• XX стагоддзе:
  • 1905 — 201 жыхар.
  • 30 верасня 1921 — 18 двароў, 76 жыхароў.

Вядомыя асобы

• Любоў Лук’янаўна Нічыпарук (1923—2012) — Герой Сацыялістычнай Працы (1966).

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх