«БелДжы» — беларуска-кітайская аўтамабілебудаўнічая кампанія, заснаваная ў 2011 годзе. Інвестары, станам на 2023 год — Рэспубліка Беларусь, Zhejiang Jirun Automobile Co (уваходзіць у Zhejiang Geely Holding Group), CITICC International Investment Limited, Shenzhen Shentou Investment Co[1][2].

«БелДжы»
Тып Закрытае акцыянернае таварыства
Заснаванне 23 снежня 2011
Заснавальнікі «БелАЗ», «Geely Automobile», «БАТЭ»
Размяшчэнне Барысаў, Мінская вобласць, Беларусь
Ключавыя постаці Генадзь Свідзерскі
Галіна аўтамабілебудаванне
Прадукцыя легкавыя аўтамабілі
Матчына кампанія Zhejiang Geely Holding Group
Сайт www.belgee.by

Гісторыя правіць

СЗАТ «БелДжы» зарэгістраваны Мінскім абласным выканаўчым камітэтам 23 снежня 2011 года[3]. Інвестары — ААТ БелАЗ (Беларусь, 50 % акцый), Geely (Кітай, 32,5 %) і ААТ БАТЭ (Беларусь, 17,5 %). 30 снежня 2011 года прадпрыемства зарэгістравана як рэзідэнт свабоднай эканамічнай зоны «Мінск»[4].

Зборка аўтамабіляў наладжаная на арандаваных плошчах барысаўскага завода «Аўтагідраўзмацняльнік»[5]. Першыя мадэлі «Geely SC7» былі сабраны ў лютым 2013 года[6]. З кастрычніка 2013 плануецца з’яўленне ў продажы красовера «Geely Emgrand X7»[7]. Колькасць супрацоўнікаў складала 128 чалавек[8]. У 2013 годзе на прадпрыемстве сабралі каля 2,5 тыс. аўтамабіляў[9].

У сакавіку 2015 года пачалося будаўніцтва новага завода для вытворчасці поўнага цыклу. 17 лістапада 2017 года адбылося яго ўрачыстае адкрыццё і з канвеера сышоў першы аўтамабіль[10].

Вытворчасць правіць

На тэрыторыі плошчай 118 га размешчаныя цэхі зваркі, афарбоўкі і зборкі. Цэх зваркі складаецца з лініі маторнага адсека (ручная лінія, дзе зварваецца пярэдні ланжэрон), лініі падлогі (зварваюцца элементы падлогі), галоўнай зварачнай лініі і лініі рэгулявання. Цэх зборкі складаецца з лініі інтэр’ера, лініі шасі і лініі фінішнай зборкі. Магутнасць пры рэжыме работы ў адну змену — 30 тысяч машын[11].

Станам на лістапад 2021 года на заводзе выпускаюцца Geely Coolray і Atlas Pro, а таксама вядзецца буйнавузлавая зборка Tugella[11].

Зноскі

  1. Акцыянеры СЗАТ «БелДжы»(недаступная спасылка). Архівавана з першакрыніцы 3 ліпеня 2023. Праверана 3 ліпеня 2023.
  2. Беларуска-кітайскае «БелДжы» ў 2022 годзе скараціла выпуск аўтамабіляў Geely на 17 %
  3. Архіўная копія (руск.)(недаступная спасылка). Belgee. Архівавана з першакрыніцы 4 лютага 2015. Праверана 8 лістапада 2014.
  4. Архіўная копія (руск.)(недаступная спасылка). Belgee. Архівавана з першакрыніцы 17 жніўня 2014. Праверана 8 лістапада 2014.
  5. Кошт завода па вытворчасці кітайскіх Geely павялічыцца, а з чэрвеня пачнецца продаж аўто ў Расію. Інфармацыйны рэгіянальны партал «Барысаў». Праверана 18 верасня 2013.(недаступная спасылка)
  6. Архіўная копія (руск.)(недаступная спасылка). Belgee. Архівавана з першакрыніцы 17 жніўня 2014. Праверана 8 лістапада 2014.
  7. Архіўная копія (руск.)(недаступная спасылка). Belgee. Архівавана з першакрыніцы 3 лістапада 2014. Праверана 8 лістапада 2014.
  8. «Каждые четыре минуты с конвейера сходит автомобиль». Как идут дела на заводе Geely? (руск.). av.by (29 мая 2019). Праверана 6 лістапада 2021.
  9. У Беларусі з'явіўся народны аўтамабіль уласнай зборкі - Лукашэнка. Беларускае тэлеграфнае агенцтва (5 мая 2014). Праверана 6 мая 2014.(недаступная спасылка)
  10. а б С конвейера завода “БелДжи” под Борисовом сошел первый GeelyAtlas NL3 (руск.). adt.by (17 лістапада 2017). Праверана 6 лістапада 2021.
  11. а б в «Либо выпускать меньше Coolray, либо убирать GS». Директор «БелДжи» рассказал о нюансах производства Geely (руск.). av.by (4 лістапада 2021). Праверана 6 лістапада 2021.
  12. Geely GS покидает Беларусь. Дилеры распродают остатки (руск.). av.by (12 кастрычніка 2021). Праверана 6 лістапада 2021.

Спасылкі правіць