Беларускі фонд культуры
Беларускі фонд культуры (БФК) — беларуская грамадская арганізацыя, заснаваная ў красавіку 1987 года з мэтай адраджэння і захавання культурнай спадчыны, нацыянальных традыцый, мовы, развіцця краязнаўчага руху, прафесійнай і аматарскай творчасці. Спыніў існаванне 5 студзеня 2024 года[1].
| Беларускі фонд культуры | |
|---|---|
 | |
| Абрэвіятура | БФК |
| Краіна | |
| Адрас | Мінск, вул. Траецкая набярэжная, д. 6, 3-і паверх |
| Юрыдычны статус | грамадскае аб’яднанне |
| Мэта | развіццё беларускай культуры |
| Тып арганізацыі | грамадская арганізацыя |
| Кіраўнікі | |
| Старшыня | Тадэвуш Стружэцкі |
| Адказны сакратар | Алесь Сачанка |
| Заснаванне | |
| Дата заснавання | 1987 |
| Ліквідацыя | |
| Дата скасавання | 5 студзеня 2024 |
| Кіроўны орган | Рада |
| Матчыная арганізацыя | Канфедэрацыя творчых саюзаў Рэспублікі Беларусь |
| Даччыныя арганізацыі | «Краязнаўчая газета» |
Дзейнасць правіць
БФК распрацавана і ажыццяўлялася доўгатэрміновая праграма «Спадчына», мэтай якой была падтрымка высілкаў па захаванні гісторыка-культурнай спадчыны. Формы яе рэалізацыі — выстаўкі твораў народных майстроў, фальклорныя святы.
Таксама БФК ажыццяўляў наступныя праграмы: «Вяртанне і захаванне нацыянальных культурных каштоўнасцей», «Адраджэнне нацыянальнай культуры малых гарадоў і мястэчак», «Славутыя імёны Айчыны».
Фонд займазся выдавецкай дзейнасцю, у тым ліку з красавіка 2003 года выдаваў тыднёвік «Краязнаўчая газета».
Кіраванне правіць
- Рада. Абіралася на 5 гадоў. Збіралася штогод. Абірала Выканаўчы камітэт на чале са старшынёй.
- Выканаўчы камітэт. Першым старшынёй быў народны пісьменнік Беларусі Іван Чыгрынаў (да 1996 года). Другі старшыня — Уладзімір Гілеп (з 1996 па сакавік 2018 года). Потым пасаду старшыні займаў Тадэвуш Стружэцкі[2].
Зноскі
- ↑ Спыняе дзейнасць Беларускі фонд культуры . Рацыя (22 снежня 2023). Праверана 14 красавіка 2024.
- ↑ СТРУЖЭЦКІ ТАДЭУШ ІВАНАВІЧ, выпускнік 1969 года
Літаратура правіць
- Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2010. — Т. 1. — С. 632. — 704 с. — 3 000 экз. — ISBN 978-985-11-0496-9.
- Несцярчук, Леанід. Гісторыя дзейнасці грамадскіх арганізацый Беларусі па ахове помнікаў // Каштоўнасці мінуўшчыны – 8. — Мінск, 2005. — ISBN 985-6523-05-2.