Белая (прыток Кубані)

Белая — рака ў Расіі, левы прыток Кубані (упадае ў Краснадарскае вадасховішча). Даўжыня 273 км, плошча басейна 5990 км².

Белая
Характарыстыка
Даўжыня	273 км
Басейн	5 990 км²
Вадацёк
Выток
• Каардынаты	43°59′01″ пн. ш. 39°55′04″ у. д.
Вусце	Краснадарскае вадасховішча
• Каардынаты	45°06′00″ пн. ш. 39°28′09″ у. д.
Размяшчэнне
Водная сістэма	Краснадарскае вадасховішча
Краіна	Расія
Код у ДВР	06020001112108100004342
выток вусце
Медыяфайлы на Вікісховішчы

Бярэ пачатак на Галоўным, або Водападзельным хрыбце Вялікага Каўказа, ля вяршыняў гор Фішт і Оштан. У верхнім цячэнні мае рысы тыповай горнай ракі з шэрагам каньённых участкаў, у ніжнім цячэнні набывае раўнінны характар. Жыўленне змяшанае — ледавіковае, снегавое, дажджавое.

Галоўныя прытокі: Пшэха, Курджыпс, Руфабга. На Белай размешчаныя гарады Майкоп, Беларэчанск, пасёлкі гарадскога тыпу Каменнамосцкі, Тульскі, пасёлак Нікель.

Энергетычны патэнцыял ракі выкарыстоўваецца Беларэчанскім каскадам ГЭС, які складаецца з Беларэчанскай і Майкопскай ГЭС (сумарная магутнасць станцый — 57,4 МВт, выпрацоўка — 241,9 млн. квт·гадз/год).