Берасцейская Біблія

Берасцейская Біблія
Берасцейская Біблія;
Жанр	Біблія
Мова арыгінала	польская
Выдавецтва	Берасцейская друкарня
Выпуск	1563
Старонак	738

Берасцейская Бі́блія — помнік беларускага кнігадрукавання XVI стагоддзя. Назва паходзіць ад месца выдання; вядомая таксама як Радзівілаўская Біблія паводле фундатара і Піньчаўская Біблія — паводле месца выканання перакладу.

АпісаннеПравіць

Гэта другі (пасля каталіцкай Бібліі Леапаліта(польск.) бел.) поўны пераклад Святога Пісьма на польскую мову літаратурную мову XVI стагоддзя, выдадзены на сродкі Мікалая Радзівіла Чорнага ў 1563 годзе. Стаў адным з першых поўных перакладаў новага часу з моў арыгіналу: іўрыта і грэчаскай мовы. Самая вялікая і багата аформленая беларуская друкаваная кніга XVI стагоддзя.

Брэсцкая Біблія. Цэнтральная навуковая бібліятэка імя Я. Коласа НАН Беларусі

Кнігу адкрывае ліст-прысвячэнне, які Радзівіл Чорны адрасаваў каралю Жыгімонту II Аўгусту.

Выканана ў пераплёце са скуры, з прадметным паказальнікам (што было ўпершыню прыменена ў беларускім кнігадрукаванні). Выданне багата упрыгожана: акрамя пераплёту маюцца гравіраваныя тытульныя лісты, акцэнт на ініцыялы, арыгінальныя ілюстрацыі ў тэхніцы ксілаграфіі. З вялікім майстэрствам выкананы застаўкі, віньеткі, вялікія літары-ініцыялы.

На кожнай старонцы на палях ёсць каментарыі да тэксту. Выдадзена фарматам «у ліст», мае 738 старонак, 14 гравюр. Надрукавана гатычным шрыфтам(руск.) бел. у дзве калонкі па 58 радкоў у кожнай.

Захаваныя асобнікіПравіць

Асобнікі захоўваюцца ў Расійскай дзяржаўнай бібліятэцы ў Маскве, Цэнтральнай бібліятэцы АН Літвы і ў Ягелонскай бібліятэцы ў Кракаве. Няпоўны экзэмпляр захоўваецца ў Цэнтральнай навуковай бібліятэцы імя Якуба Коласа НАН Беларусі^[1].

ПублікацыіПравіць

Biblia święta, tho iest, Księgi Starego y Nowego Zakonu, właśnie z Żydowskiego Greckiego y Łacińskiego, nowo na Polski ięzyk, z pilnością y wiernie wyłożone. — Brześć, 1563.
Biblia Święta, to jest Księgi Starego i Nowego Zakonu, właśnie z Żydowskiego, Greckiego, i Łacińskiego, nowo na Polski język z pilnością i wiernie wyłożone // Biblia Slavica / Hrsg. von H. Rothe und F. Scholz unter Mitarbeit von Ch. Chanick und L. Udolph. Seria II: Polnische Bibeln. — Paderborn — München — Wien — Zürich, 2001.

Зноскі

↑ Лідзія Кулажанка, Адам Мальдзіс, Святлана Сачанка. Літаратурныя мясціны Беларусі // Маладосць : Штомесячны літаратурна-мастацкі і грамадска-палітычны ілюстраваны часопіс. — кастрычнік 2007. — № 10, 647. — С. 116.

СпасылкіПравіць

	Берасцейская Біблія на Вікісховішчы

Берасцейская Біблія анлайн
Берасцейская Біблія анлайн з архіваў Велікапольскай лічбавай бібліятэкі
Берасцейская Біблія анлайн з архіваў Польскай інтэрнэт-бібліятэкі
Берасцейская Біблія : віртуальная выстава на сайце Цэнтральнай навуковай бібліятэкі імя Я.Коласа НАН Беларусі (руск.)

[1] Лідзія Кулажанка, Адам Мальдзіс, Святлана Сачанка. Літаратурныя мясціны Беларусі // Маладосць : Штомесячны літаратурна-мастацкі і грамадска-палітычны ілюстраваны часопіс. — кастрычнік 2007. — № 10, 647. — С. 116.

[1]