Богуслаў Собатка

Бо́гуслаў Со́батка (чэшск.: Bohuslav Sobotka; нар. 23 кастрычніка 1971, Тэльніцы, акруга Брно-прыгарад, Чэхаславакія) — чэшскі палітык, міністр фінансаў у 2002—2006, выконваючы абавязкі кіраўніка Чэшскай сацыял-дэмакратычнай партыі ў 2005—2006 і з 2010 года. З 17 студзеня 2014 года па 6 снежня 2017 — прэм’ер-міністр Чэхіі.

Богуслаў Собатка
чэшск.: Bohuslav Sobotka
Прэм’ер-міністр Чэхіі 29 студзеня 2014 — 6 снежня 2017
Прэзідэнт	Мілаш Земан
Папярэднік	Іржы Руснак
Пераемнік	Андрэй Бабіш
Міністр фінансаў Чэхіі 15 ліпеня 2002 — 3 чэрвеня 2006
Старшыня Чэшскай сацыял-дэмакратычнай партыі з 18 сакавіка 2011
Папярэднік	Іржы Параўбек
Нараджэнне	23 кастрычніка 1971(1971-10-23) (53 гады) Брно-прыгарад, ЧССР
Жонка	Olga Sobotková[d]
Веравызнанне	Каталіцкая Царква
Партыя	Чэшская сацыял-дэмакратычная партыя
Адукацыя	Масарыкаў універсітэт
Прафесія	юрыст
Аўтограф
Медыяфайлы на Вікісховішчы

У 1995 годзе скончыў юрыдычны факультэт Масарыкава ўніверсітэта ў Брно, дзе вучыўся разам са Здэнекам Коўдзелкай.

У 1996 годзе быў упершыню абраны ў Палату дэпутатаў. 15 ліпеня 2002 года стаў міністрам фінансаў ва ўрадзе Уладзіміра Шпідлы, захаваў сваю пасаду ў кабінетах Станіслава Гроса і Іржы Параўбека; сышоў у адстаўку пасля паражэння ЧСДП на выбарах 2006 года.

Двойчы — у 2003—2004 і 2005—2006 гадах — быў віцэ-прэм’ерам урада. Пасля адстаўкі Станіслава Гроса Собатка часова выконваў абавязкі кіраўніка партыі да партыйных выбараў (на іх перамог Параўбек). Пасля няўдалага выступлення ЧСДП на парламенцкіх выбарах 2010 года і адстаўкі Параўбека з пасады старшыні партыі Собатка зноў стаў выконваючым абавязкі кіраўніка партыі. У сакавіку 2011 года абраны старшынёй партыі. Таксама Собатка ўзначальвае фракцыю ЧСДП у Палаце дэпутатаў.

17 студзеня 2014 года прызначаны прэм’ер-міністрам Чэхіі.

Жанаты, мае дваіх дзяцей.

Спасылкі

• Асабісты сайт Богуслава Собаткі Архівавана 7 кастрычніка 2014. (чэшск.)
• Профіль на сайце Палаты дэпутатаў Чэхіі (чэшск.) (англ.)