Будынак сярэдняй школы № 4

Буды́нак сярэ́дняй шко́лы імя́ С. М. Кі́рава — збудаванне ў Мінску, якое месціцца на вуліцы Чырвонаармейскай, 11. Пабудаваны ў 1936 годзе з цэглы (архітэктар Герасім Якушка) у стылі постканструктывізму.

Славутасць
Будынак сярэдняй школы № 4
2019 г.
53°54′01″ пн. ш. 27°34′03″ у. д.
Краіна	Беларусь
Месцазнаходжанне	Мінск
Архітэктурны стыль	постканструктывізм[d]
Архітэктар	Герасім Васілевіч Якушка
Дата заснавання	1936
Дата пабудовы	1936 год
Статус	Гісторыка-культурная каштоўнасць Беларусі, шыфр 713Г000270
Медыяфайлы на Вікісховішчы

Гісторыя

У сярэдзіне 1930-х гадоў ў БССР ажыццяўлялася паскоранае і пашыранае будаўніцтва, якое характарызавалася пошукам новых архітэктурна-планіровачных вырашэнняў. Будынак школы імя Кірава ёсць адным з прыкладаў такіх пошукаў.

Познесавецкая прыбудова па вул. Кірава

У 1979 годзе крыло, што выходзіць на вуліцу Кірава, было падоўжанае. Да асноўнага прыбудаваны новы 6-павярховы корпус (архітэктары Віктар Карака і Вячаслаў Шалкоўскі), дзе размясціліся фізкультурны і актавы залы, басейн.

Архітэктура

Чатырохпавярховы Г-падобны ў плане будынак. Вуглавая частка выступае паўкруглым эркерам з каланадай на ўзроўні 2-га і 3-га паверхаў і галоўным уваходам. Рэзкае паніжэнне рэльефу па вуліцы Кірава абумовіла патрэбнасць цокальнага паверха, дзе былі размешчаныя майстэрні, гаспадарчыя памяшканні. Планіроўка калідорная з аднабаковым размяшчэннем памяшканняў. Тры лесвічныя клеткі па тарцах і ў цэнтральнай частцы будынка даюць сувязь паміж паверхамі.

Галерэя

• На старых здымках
• 
  1930-я гг.
• 
  1930-я гг.
• 
  1936 г.

Літаратура

• Міцянін А. Будынак сярэдняй школы № 4 імя С. М. Кірава // Збор помнікаў гісторыі і культуры Беларусі. Мінск / АН БССР. Ін-т мастацтвазнаўства, этнаграфіі і фальклору; Рэдкал С. В. Марцэлеў (гал. рэд.). — Мінск, 1988. — С. 215. — 333 с. — ISBN 5-85700-006-8.

Спасылкі

• На Вікісховішчы ёсць медыяфайлы па тэме Будынак сярэдняй школы № 4
• Будынак сярэдняй школы № 4 на сайце «Архіварта»