Будынак фельчарскай школы (Магілёў)

Будынак фельчарскай школы — будынак у цэнтры Магілёва, размешчаны па вуліцы Карла Маркса, 13, на рагу з Пажарным завулкам.

Славутасць
Будынак фельчарскай школы
53°53′49″ пн. ш. 30°20′27″ у. д.
Краіна	Беларусь
Горад	Магілёў
Архітэктурны стыль	эклектыка
Дата пабудовы	1902
Статус	Гісторыка-культурная каштоўнасць Беларусі, шыфр 512Е000001
Медыяфайлы на Вікісховішчы

Гісторыя

Будынак у пачатку XX ст.

Будынак у пачатку XX ст.

Новы мураваны будынак Магілёўскай цэнтральнай фельчарскай школы быў урачыста адкрыты ў 1902 г.

Архітэктура

Задні фасад

Помнік архітэктуры эклектыкі. Цагляны трохпавярховы будынак з высокім цокальным паверхам з вялікімі вокнамі. У плане мае складаную Г-падобную форму, якая паўтарае форму ўчастка. Планіроўка калідорная: да аднабаковага калідора прылягаюць класныя пакоі. Галоўны фасад з уваходам у цэнтры вылучаны несапраўдным рызалітам з руставанымі пілястрамі. Сцены рытмічна прарэзаны аконнымі праёмамі з паўцыркульнымі аркамі ліштвамі, на рызаліце — з сандрыкамі. Будынак завершаны складанапрафіляваным гзымсам на сухарыках.

Спасылкі

• На Вікісховішчы ёсць медыяфайлы па тэме Будынак фельчарскай школы (Магілёў)
• Будынак фельчарскай школы (Магілёў) на сайце «Архіварта»