Глыбачанскія валуны
(Пасля перасылкі з Бярозаўскія валуны)
Глыбача́нскія валуны́ — геалагічны помнік прыроды рэспубліканскага значэння у Беларусі, размешчаны за 5 км на паўднёвы захад ад в. Глыбачка Ушацкага раёна Віцебскай вобласці. 3 валуны шаравата-ружовага парфірападобнага граніту. Найбуйнейшы камень даўжынёй 4 м, шырынёй 2,6 м, вышынёй над паверхняй зямлі 1,8 м, у абводзе 12 м. Другі валун ляжыць за 30 м на поўнач, яго даўжыня складае 2,3 м, шырыня 2,3 м, вышыня над паверхняй зямлі 0,7 м. Трэці камень знаходзіцца за 1 км на паўднёвы захад ад вёскі, формаю нагадвае вялікі прас, яго даўжыня складае 3,3 м, шырыня 1,4 м, вышыня 1,6 м. Глыбачанскія валуны прынесены ледавіком каля 18—20 тысяч гадоў назад з раёна г. Выбарг. Ахоўны статус нададзены ў 1988 годзе.
Літаратура
правіць- Глыбачанскія валуны. Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).
Спасылкі
правіць
На Вікісховішчы пакуль няма медыяфайлаў па тэме, але Вы можаце загрузіць іх
