Вадзім Канстанцінавіч Латышаў

Вадзім Канстанцінавіч Латышаў (29 жніўня 1948, Берлін, ГДР) — беларускі архітэктар.

Вадзім Канстанцінавіч Латышаў
Дата нараджэння	29 жніўня 1948(1948-08-29) (75 гадоў)
Месца нараджэння	Берлін, Савецкая зона акупацыі Германіі, Германія пад акупацыяй саюзнікаў[d], Германія
Альма-матар	БНТУ
Месца працы	Мінскпраект Белгандальрэклама[d] Заслаўская карданажна-паліграфічная фабрыка[d]
Член у	Саюз архітэктараў СССР Беларускі саюз архітэктараў

Біяграфія

Скончыў Беларускі політэхнічны інстытут у 1973 годзе. Працаваў у Мінскпраекце, на камбінаце «Белгандальрэклама», з 1984 года — мастак прамграфікі Заслаўскай карданажна-паліграфічнай фабрыкі.

Член Саюза архітэктараў СССР з 1978 года. Пражывае ў Мінску.

Творчасць

Асноўныя працы (у аўтарскім калектыве): праекты забудовы мікрараёнаў Масюкоўшчына-2 (1976), Захад-3 (1978), Захад-4, 5, па вул. Ангарскай (1979), камунальна-складскія зоны Мінска (1974), аўтар афармлення інтэр’ераў і вітрын крам «Аметыст», «Беларускія шарсцяныя тканіны» па Ленінскім праспекце, «Тавары для жанчын» па вул. Карастаянавай (1979—1982) у Мінску, афармленне дзён «Беларуская кухня» на ВДНГ СССР у Маскве да 60-годдзя СССР (1982).

Літаратура

• Латышев Вадим Константинович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)