Валяр’ян Калінка
Валяр’ян Калінка (польск.: Walerian Kalinka; 20 лістапада 1826, в. Балехавіцэ каля Кракава — 16 снежня 1886) — польскі гісторык, публіцыст, палітычны дзеяч.
| Валяр’ян Калінка | |
|---|---|
 | |
| Дата нараджэння | 20 лістапада 1826[1] |
| Месца нараджэння | |
| Дата смерці | 26 снежня 1886[2] (60 гадоў) |
| Месца смерці | |
| Грамадзянства | |
| Род дзейнасці | журналіст, гісторык, святар, пісьменнік, палітык |
| Навуковая сфера | гісторыя[4] |
| Альма-матар | |
| Член у | |
 Медыяфайлы на Вікісховішчы | |
.svg){kind=small}
Біяграфічныя звесткі
правіцьСкончыў Кракаўскі ўніверсітэт (1845). Удзельнік Кракаўскага паўстання (1846), да 1848 у эміграцыі ў Бельгіі і Галандыі. Палітычныя погляды В. Калінкі эвалюцыяніравалі ад дэмакратычна-рэвалюцыйных да шляхецка-кансерватыўных. У 1848—52 супрацоўнік кракаўскага часопіса «Czas» («Час»), потым зноў у эміграцыі, пераважна ў Францыі, дзе разам з палітычнай дзейнасцю заняўся гісторыяй. Быў звязаны з «Атэлем Лямбэр» (кола кансерватыўных эмігрантаў на чале з Чартарыйскімі), адзін з рэдактараў яго часопіса «Wiadomości Polskie» («Польскія навіны»). Член гісторыка-літаратурнага таварыства ў Парыжы. У 1862 аддаліўся ад Чартарыйскіх і пераехаў у Рым для архіўных пошукаў, аднак з пачаткам паўстання 1863 вярнуўся ў Францыю і працаваў у Галоўным дыпламатычным агенцтве Нацыянальнага Жонда. У 1868 у Рыме ўступіў у ордэн Уваскрэсення Божага, з 1870 святар.
Даследчыцкая дзейнасць
правіцьВывучаў пераважна палітычную гісторью Рэчы Паспалітай XVIII ст. Вялікую ўвагу аддаваў даследаванню псіхалагічных асаблівасцей палітычных дзеячаў, быў схільны да маралізатарства. Лічыцца бацькам кракаўскай школы гісторыкаў з яе «песімістычным» поглядам на гісторыю. Вядомасць В. Калінку прынесла праца «Апошнія гады панавання Станіслава Аўгуста» (т. 1—2, 1868), дзе даказвалася, што крызіс і крах Рэчы Паспалітай быў выкліканы маральным заняпадам народа. Працягам яе з’явілася даследаванне «Чатырохгадовы сейм» (т. 1—3, 1880—88).
Выбраная бібліяграфія
правіць- Dzieła. T. 1—12. Kraków, 1891—1902.
- Sejm czteroletni. T. 1—2. 4 wyd. Kraków, 1895.
Зноскі
- ↑ Walerian Kalinka // Internetowy Polski Słownik Biograficzny
- ↑ Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
- ↑ https://pl.wikipedia.org/wiki/Walerian_Kalinka
- ↑ Czech National Authority Database Праверана 7 лістапада 2022.
Літаратура
правіць- Mrówczyński O. J. Ks. Walerian Kalinka: życie i dziafalność. Poznań, 1973.
- Калінка // ЭГБ ў 6 т. Т. 4. Мн., 1997.