Васіль Міронавіч Прыйма

Васіль Прыйма (нар. 10 чэрвеня 1991, Наваяварыўск, Украіна) — украінскі футбаліст, абаронца.

Васіль Прыйма
Агульная інфармацыя
Поўнае імя	Васіль Міронавіч Прыйма
Нарадзіўся	10 чэрвеня 1991(1991-06-10) (32 гады) Наваяварыўск, Яварыўскі раён, Львоўская вобласць, УССР, СССР
Грамадзянства	Украіна
Рост	185 см
Вага	74 кг
Пазіцыя	абаронца
Інфармацыя пра клуб
Клуб	няма
Маладзёжныя клубы
Янтар (Наваяварыўск) 2002—2006 ДЮСШ-15 (Кіеў) 2006 Арсенал (Кіеў) 2007 КСДЮШАР (Кіеў)
Клубная кар’ера
2008—2015 Металург (Данецк) 123 (4) 2015—2016 Тарына 0 (0) 2016 →  Фразінонэ 5 (0) 2016—2017 Фразінонэ 18 (1) 2017—2018 Зара (Луганск) 17 (1) 2019 Шахцёр (Салігорск) 6 (0) 2020 Карпаты (Львоў) 2 (0) 2020 Чарнаморац (Адэса) 6 (0)
Нацыянальная зборная
2006—2008 Украіна (да 17) 17 (1) 2008—2010 Украіна (да 19) 16 (1) 2010—2012 Украіна (да 21) 10 (0)
Медыяфайлы на Вікісховішчы

Клубная кар’ера

Пачынаў займацца футболам у родным горадзе Наваяварыўску, у 11-гадовым узросце быў запрошаны ў кіеўскую ДЮСШ-15. Пазней у Дзіцяча-юнацкай футбольнай лізе Украіны выступаў і за іншыя каманды з Кіева.

У пачатку 2008 года далучыўся да данецкага «Металурга». Спачатку выступаў за дубль, але ў тым жа годзе дэбютаваў у асноўнай камандзе ў Прэм’ер-лізе. Гуляў за «Металург» да лета 2015 года, калі клуб спыніў сваё існаванне.

У кастрычніку 2015 года падпісаў кантракт з італьянскі клубам «Тарына» да чэрвеня 2016 года з магчымасцю падаўжэння яшчэ на два гады. Дэбютаваў за «Тарына» 1 снежня 2015 года ў матчы Кубка Італіі супраць «Чэзены» (4:1), аднак у Серыі A так і не згуляў. У лютым 2016 года быў аддадзены ў арэнду «Фразінонэ», у складзе якога дэбютаваў у Серыі A. У чэрвені 2016 года перайшоў у «Фразінонэ» на трывалай аснове, падпісаўшы трохгадовы кантракт. У 2017 годзе вярнуўся на радзіму, стаўшы іграком луганскай «Зары», аднак не меў трывалага месца ў складзе.

У лютым 2019 года падпісаў двухгадовы кантракт з беларускім клубам «Шахцёр» з Салігорска. У салігорскай камандзе стаў іграком ратацыі, рэдка з’яўляючыся на полі, у чэрвені атрымаў траўму, пасля аднаўлення ў верасні выступаў за дубль. У студзені 2020 года па пагадненні бакоў пакінуў «Шахцёр».

У лютым 2020 года стаў трэніравацца з львоўскімі «Карпатамі» і неўзабаве падпісаў кантракт. Гуляў у камандзе да канца сезона 2019/20. У верасні 2020 года далучыўся да адэскага «Чарнаморца», пакінуў клуб у лютым 2021 года.

Міжнародная кар’ера

Выступаў за юніёрскія і моладзевыя зборныя Украіны розных узростаў.

Дасягненні

• 03 Бронзавы прызёр чэмпіянату Беларусі: 2019
• Уладальнік Кубка Беларусі: 2019