Наваяварыўск

Наваяварыўск (укр.: Новояворівськ) — горад раённага значэння Яварыўскага раёна Львоўскай вобласці Украіны.

Горад Наваяварыўск укр.: Новояворівськ Герб Сцяг Вул. С. Бандэры ў Наваяварыўску Краіна Украіна Вобласць Львоўская Раён Яварыўскі Каардынаты 49°50′59″ пн. ш. 23°34′14″ у. д. Заснаваны 1965 Першая згадка 1965 Горад з 1986 Плошча 2,03 км² Вышыня цэнтра 300 ± 1 м Насельніцтва 31 000 чалавек (2017) Шчыльнасць 15 134 чал./км² Часавы пояс UTC+2, летам UTC+3 Тэлефонны код +380-3256 Паштовы індэкс 81053 Аўтамабільны код BC / 14 КААТУУ 4625810500 Афіцыйны сайт novmiskrada.gov.ua Наваяварыўск на карце Украіны ±

Медыяфайлы на Вікісховішчы

Размешчаны на вышыні 300 м над узроўнем мора на мяжы Расточча і Надсянскай нізіны ў вярхоўях ракі Шкло — за 14 км на ўсход ад раённага цэнтра і за 30 км на захад ад абласнога цэнтра Львова. Найбуйнейшы ў Яварыўскім раёне і 7-мы па колькасці ў Львоўскай вобласці горад з насельніцтвам больш за 30 тыс. асоб. Уваходзіць у склад Львоўскай агламерацыі.

Агульныя звесткі

Наваяварыўск - адносна малады горад, заснаваны ў 1965 г. як працоўнае паселішча «Янтарнае» (з чэрвеня 1969 года — Наваяварыўскае) каля буйных магутнасцяў вытворчасці серы, менавіта таму на яго гербе і сцягу месцяцца тры трыкутніка — геалагічнае абазначэнне радовішчаў сернай руды. Асаблівасцю горада з'яўляецца вялікая шчыльнасць насельніцтва, якая складае больш за 15 тыс. чал./км2 (для параўнання сярэдняя шчыльнасць насельніцтва Львова - каля 4 тыс. чал./км2), што тлумачыцца ягонай забудовай пераважна шматпавярховымі дамамі. Горад мае дастаткова добра развітую інфраструктуру і выгаднае эканамічнае размяшчэнне. Побач з горадам праходзіць аўтатраса дзяржаўнага значэння Львоў — Яварыў (аўтадарога М10 Львоў — Кракавэць — Кракаў). Горад злучаны са Львовам чыгункай Шкло — Львоў (станцыя «Янтарная»).

Вядомыя асобы

Нарадзіліся

• Расціслаў Дамішэўскі (1971) — музыкант, прадзюсар, былы ўдзельнік гурту «Скрябін».
• Сяргей Гера (1974) — музыкант, былы ўдзельнік гурту «Скрябін».
• Алена Аліферэнка (1978) — веславальніца, чэмпіёнка Еўропы, удзельніца двух Алімпіяд.
• Адрыяна Галецкая (1978) — мастак-жывапісец.
• Віталь Кільчыцкі (1988) — біятланіст, удзельнік і прызёр Універсіяды, Чэмпіянату Еўропы, Кубку свету па біятлону.
• Васіль Прыйма (1991) — футбаліст.
• Назарый Русын (1998) — футбаліст.

Пражывалі

• Андрэй Кузьменка (1968-2015) — спявак, тэлевядучы, прадзюсар, лідар гурту «Скрябін».
• Міхаіл Хама (1983) — спявак, актор, фронтмэн гурту «DZIDZIO».