Войцех Вялёндка

Войцех Вінцэнт Вялёндка (польск.: Wojciech Wincenty Wielądko; 1749 — 1822) — польскі геральдыст, аўтар першай друкаванай кулінарнай кнігі на польскай мове «Кухар дасканалы» (1783), да канца 1-й трэці XIX ст. шырока вядомай і ў Беларусі (папраўленае выданне 1808 года згадваецца ў тым ліку ў эпічнай паэме Адама Міцкевіча «Пан Тадэвуш», але змешваецца з іншымі кулінарнымі кнігамі, перш за ўсё, з Compendium ferculorum Станіслава Чарнецкага). В. Вялёндка арыентаваўся пераважна на касмапалітычныя французскія ўзоры, але шляхецкая кухня Рэчы Паспалітай таксама шырока прадстаўленая ў гэтай кнізе; тут ўпершыню пісьмова зафіксаваны рэцэпт зразаў. У 1830-х кніга В. Вялёндкі як пісьмовая крыніца кулінарных ведаў у Беларусі і Літве саступіла першынства кнігам Яна Шытлера.

Войцех Вялёндка
Дата нараджэння	1749
Месца нараджэння	Кіеўскае ваяводства, Малапольская правінцыя, Карона Каралеўства Польскага, Рэч Паспалітая
Дата смерці	1822
Месца смерці	Варшава, Царства Польскае, Расійская імперыя
Грамадзянства	Расійская імперыя  Рэч Паспалітая
Род дзейнасці	рэдактар, гісторык, перакладчык, геральдыст

Літаратура

• Белы А. Войцэх Вінцэнты Вялёндка // Праект «Наша ежа»