Вячаслаў Паўлавіч Панюціч
Вячасла́ў Па́ўлавіч Паню́ціч (нар. 10 красавіка 1932, Асаўцы, цяпер Бярозаўскі раён, Брэсцкая вобласць) — беларускі гісторык. Доктар гістарычных навук (1991).
| Вячаслаў Паўлавіч Панюціч | |
|---|---|
| Дата нараджэння | 10 красавіка 1932 (92 гады) |
| Месца нараджэння | |
| Грамадзянства | |
| Род дзейнасці | навуковец |
| Месца працы | |
| Навуковая ступень | доктар гістарычных навук |
| Альма-матар | |
.svg){kind=small}
Біяграфія
правіцьНарадзіўся ў сялянскай сям’і 10 красавіка 1932 года ў вёсцы Асаўцы Пружанскага павета Палескага ваяводства Польскай Рэспублікі. У 1951 годзе скончыў Першамайскую сярэднюю школу. У 1956 годзе скончыў гістарычны факультэт Беларускага дзяржаўнага ўніверсітэта .
У 1956—1959 гады працаваў настаўнікам Рэчыцкай сярэдняй школы Камянецкага раёна Брэсцкай вобласці, школьны інспектар. У 1959—1962 гадах аспірант Інстытута гісторыі Акадэміі навук Беларускай ССР (спецыяльнасць «гісторыя СССР і БССР»).
У 1965 годзе абараніў кандыдацкую дысертацыю (Інстытут гісторыі Акадэміі навук Беларускай ССР; «Фарміраванне сельскагаспадарчага пралетарыяту Беларусі і яго становішча ў эпоху капіталізму (1861—1914 гг.)»). У 1990 годзе абараніў доктарскую дысертацыю (Інстытут гісторыі Акадэміі навук Беларускай ССР; «Сацыяльна-эканамічнае развіццё беларускай вёскі ў 1861—1900 гг.»).
З 1962 года ў Акадэміі навук Беларускай ССР — малодшы, старшы, вядучы навуковы супрацоўнік Інстытута гісторыі Акадэміі навук Беларусі[1].
Навуковая дзейнасць
правіцьДаследуе аграрную гісторыю Беларусі другой паловы XIX — пачатку XX стагоддзя, вывучае праблемы развіцця прадукцыйных сіл і пазямельных адносін у вёсцы, дэмаграфіі і сацыяльнай структуры сельскага насельніцтва, фарміравання сельскагаспадарчага пралетарыяту і сельскай буржуазіі[2].
Бібліяграфія
правіць- Панютич, В. П. Из истории формирования пролетариата Белоруссии, 1861—1914 гг. / В. П. Панютич. — Минск : Наука и техника, 1969. — 190 с.
- Панютич, В. П. Социально-экономическое развитие белорусской деревни в 1861—1900 гг. / В. П. Панютич. — Минск : Наука и техника, 1990. — 375 с.
- Панютич, В. П. Наемный труд в сельском хозяйстве Беларуси, 1861—1914 гг. / В. П. Панютич. — Минск : Наука и техника, 1996. — 141 с.
- Панютич, В. П. Историография аграрной истории Беларуси 1861—1917 гг. / В. П. Панютич. — Минск : ГНУ «Институт истории НАН Беларуси», 2005. — 262 с.
Адзін з аўтараў манаграфій «Экономическая история БССР» (Мн., 1969); «Гісторыя Беларускай ССР» (Т. 2; Мн., 1972), «Гісторыя рабочага класа Беларускай ССР» (Т. 1; Мн., 1984); «Гісторыя сялянства Беларусі» (т. 2; Мн., 2002). Удзельнічаў у напісанні артыкулаў для «Энцыклапедыі гісторыі Беларусі» і «Беларускай энцыклапедыі».
Крыніцы
правіць- ↑ Петрыкаў, П. Панюціч Вячаслаў Паўлавіч / П. Петрыкаў // Энцыклапедыя гісторыі Беларусі. У 6 т. — Т. 5.: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мінск : БелЭн імя Петруся Броўкі, 1999. — С. 402.
- ↑ Белазаровіч, В. А. Гістарыяграфія гісторыі Беларусі : вучэбны дапаможнік / В. А. Белазаровіч. — Гродна : ГрДУ, 2006. — С. 286.
Літаратура
правіць- Пётр Петрыкаў. Панюціч Вячаслаў Паўлавіч // Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — С. 402. — 10 000 экз. — ISBN 985-11-0141-9.
- Токць, С. Савецкая гістарыяграфія беларускага сялянства перыяду Расійскай імперыі / С. Токць // Гістарычны Альманах. — Т. 10. — 2004. — С. 45—73.