Вікторыя Леанідаўна Чаўлытка

Вікторыя Леанідаўна Чаўлытка (5 кастрычніка 1982, Маладзечна) — беларуская тэатральная актрыса.

Вікторыя Леанідаўна Чаўлытка
Дата нараджэння	5 кастрычніка 1982(1982-10-05) (40 гадоў)
Месца нараджэння	Маладзечна, Маладзечанскі раён, Мінская вобласць, БССР, СССР
Грамадзянства	Беларусь
Адукацыя	Беларуская дзяржаўная акадэмія мастацтваў
Прафесія	актрыса

Біяграфія

Нарадзілася 5 кастрычніка 1982 года ў Маладзечне.

У 2004 годзе скончыла тэатральны факультэт Беларускай дзяржаўнай акадэміі мастацтваў па спецыяльнасці «Акцёрскае мастацтва драматычнага тэатра і кіно» (курс заслужанага артыста БССР У. А. Мішчанчука).

З 2002 па 2004 год працавала ў Нацыянальным акадэмічным драматычным тэатры імя Максіма Горкага. У Купалаўскім тэатры з 2004 года.

Ролі ў Купалаўскім тэатры

• Ганна Мартынаўна Змяюкіна («Вяселле» паводле А. Чэхава);
• Бежанка («Не мой» паводле А. Адамовіча);
• Шміт («Офіс» І. Лаўзунд);
• Панна («Выкраданне Еўропы, альбо Тэатр Уршулі Радзівіл» паводле твораў Ф. У. Радзівіл);
• Жонка Кума («Ноч на Каляды» паводле М. Гогаля);
• Ганна («Людзі на балоце» паводле І. Мележа);
• Гаспадыня («Лістапад. Андэрсен» паводле А. Паповай);
• Прачка, выканаўца песні «Толькі ты» («Местачковае кабарэ»);
• Маша («Чайка» А. Чэхава);
• Выканаўца песні «Смерць п’е не з бакала» («Вельтмайстар акардэон» М. Мермана);
• Сафія («Шабаны» А. Бахарэвіча);
• Бэці Дарланж («Школа падаткаплацельшчыкаў» Л. Вернэя і Ж. Бэра).