Вісентэ Яньес Пінсон
Вісе́нтэ Я́ньес Пінсо́н (ісп.: Vicente Yáñez Pinzón, каля 1460 года, Палас-дэ-ла-Франтэра, Іспанія — пасля 1523 года) — іспанскі мараплавец, даследчык і канкістадор, першаадкрывальнік тэрыторый, якія належаць сучаснай Бразіліі. Разам са сваімі братамі — Марцінам Алонса Пінсонам, які быў капітанам «Пінты», і Францыска Пінсонам — ён плаваў з Хрыстафорам Калумбам падчас першага падарожжа ў Новы Свет у 1492 годзе як капітан на караблі «Нінья».
| Вісентэ Яньес Пінсон | |
|---|---|
| ісп.: Vicente Yáñez Pinzón | |
 | |
 | |
| Імя пры нараджэнні | ісп.: Vicente Yáñez Pinzón |
| Род дзейнасці |
мараплавец, канкістадор |
| Дата нараджэння | каля 1462 |
| Месца нараджэння | |
| Дата смерці | не раней за 1514 |
| Месца смерці | |
| Грамадзянства |
 Іспанія |
 Медыяфайлы на Вікісховішчы | |
У 1499 годзе адправіўся ў плаванне да берагоў Паўднёвай Амерыкі; яго карабель трапіў у буру і 26 студзеня 1500 года апынуўся каля берагоў сучаснага бразільскага штата Пернамбуку. Вісентэ Яньес Пінсон (па некаторых звестках Пінсон — стрыечны брат Дыега дэ Лепэ) прыбыў да берагоў Паўднёвай Амерыкі на востраў Маражо (парт.: Marajó) у студзені 1500 года. Пінсон першым з еўрапейцаў абследаваў вусце Амазонкі, аднак не ўсе адкрытыя ім землі маглі быць далучаны да Іспаніі паводле ўмоў Тардэсільяскага дагавора.
Падарожжа і прыбыццё Пінсона і Дыега дэ Лепэ ў Бразілію не апісваецца ў большасці прац па афіцыйнай гісторыі Бразіліі, таму што паводле Тардэсільяскага дагавора 1494 года ўсходняе ўзбярэжжа тады яшчэ невядомай Бразіліі ўжо былі аднесены да Партугаліі.
У 1505 годзе Пінсон быў прызначаны губернатарам горада Пуэрта-Рыка (цяперашні Сан-Хуан), што стала першым крокам падчас іспанскай каланізацыі вострава. У 1508 годзе ўдзельнічаў у плаванні Хуана Дыяса дэ Саліса ў Паўднёвую Амерыку. Пасля 1523 года надзейныя звесткі пра яго жыццё адсутнічаюць; часам у якасці даты яго смерці называецца 1514 год. У гонар братоў Пінсонаў названы адзін з астравоў Галапагаскага архіпелага — востраў Пінсон.
Зноскі
Літаратура правіць
- Gil, Juan (Sept-Dec 1987). Sobre la Vida Familiar de Vicente Yáñez Pinzón. Revista de Indias. Vol. XLVII. pp. 645:754.
{{cite book}}: Праверце значэнне даты ў:|date=(даведка) - Izquierdo Labrado, Julio (1987) Palos de la Frontera en el Antiguo Régimen (1380—1830) Huelva: Instituto de Cooperación Iberoamericana y Ayuntamiento de Palos de la Frontera
- Izquierdo Labrado, Julio (2004) Palermos ilustres Huelva: Ayuntamiento de Palos de la Frontera ISBN 84-606-3612-7
- Manzano y Manzano, Juan (1988). Los Pinzones y el Descubrimiento de América 3 vol. Madrid: Ediciones de Cultura Hispanica. ISBN 978-84-7232-442-8.
{{cite book}}: Невядомы параметр|coauthors=ігнараваны (прапануецца|author=) (даведка) - Ortega, Fray Ángel (1925) La Rábida. Historia documental y crítica 4 vols. Sevilla.
Спасылкі правіць
На Вікісховішчы ёсць медыяфайлы па тэме Вісентэ Яньес Пінсон- Vicente Yáñez Pinzón. Los Viajes Andaluces (ісп.)
- Ayuntamiento de Palos de la Frontera (ісп.)
- Hermanos Pinzón, Enciclopedia GER (ісп.)
