Віцебскі завод трактарных запасных частак

ААТ «Віцебскі завод трактарных запасных частак» — беларуская кампанія, размешчаная ў Віцебску. Уваходзіць у холдынг «МТЗ-Холдынг».

Віцебскі завод трактарных запасных частак
Тып	ААТ
Заснаванне	1960
Размяшчэнне	Віцебск
Галіна	машынабудаванне
Колькасць супрацоўнікаў	580 чал.
Матчына кампанія	Мінскі трактарны завод
Сайт	vztzch.by/ru (руск.)​ (англ.)

Гісторыя

Завод трактарных запчастак быў створаны ў 1960 годзе на базе аўтарамонтнага завода, які існаваў з 1944 года. Першапачаткова ўваходзіў у склад Упраўлення запасных частак і рамонтных прадпрыемстваў Савета народнай гаспадаркі Беларускай ССР. 1 студзеня 1962 года завод стаў філіялам Мінскага трактарнага завода. У 1976—1987 гадах была праведзена рэканструкцыя прадпрыемства, пабудаваны новыя вытворчы і адміністрацыйна-бытавы корпусы. У 1994 годзе завод пераўтвораны ў самастойнае прадпрыемства, застаўшыся ў складзе вытворчага аб’яднання «МТЗ». У 2000—2001 гадах завод пераўтвораны ў рэспубліканскае ўнітарнае прадпрыемства, у 2012 годзе — у адкрытае акцыянернае таварыства. У 2014 годзе завод увайшоў у холдынг «МТЗ».

Літаратура

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).