Галіна Антонаўна Войцік

Галіна Антонаўна Войцік, па мужу Луцкевіч (1 ліпеня 1927 — 13 жніўня 2007) — беларускі педагог, публіцыст, філолаг.

Галіна Антонаўна Войцік
Асабістыя звесткі
Дата нараджэння	1 ліпеня 1927(1927-07-01)
Дата смерці	13 жніўня 2007(2007-08-13) (80 гадоў)
Бацька	Антон Іванавіч Войцік
Маці	Зоська Верас
Муж	Лявон Антонавіч Луцкевіч
Альма-матар	Віленская беларуская гімназія Віленскі ўніверсітэт
Месца працы	Гродзенскі дзяржаўны ўніверсітэт імя Янкі Купалы Вільнюскі педагагічны ўніверсітэт
Прафесійная дзейнасць
Род дзейнасці	публіцыст, філолаг, педагог
Мова твораў	беларуская

Біяграфія

Дачка Антона Войціка і Зоські Верас. Вучылася ў Віленскай беларускай гімназіі. Скончыла Вільнюскі ўніверсітэт (1950). У 1949-54 працавала ў Гродзенскім педагагічным інстытуце, у 1954-57 і 1961-86 — у Вільнюскім педагагічным інстытуце.

Творчасць

Аўтар прац па германістыцы, гістарычных даследаванняў і партрэтаў беларусаў Віленшчыны «Зоська Верас» (1992), «Лявон Луцкевіч» (1999), «Барыс Кіт» (2001), разам з мужам, Л. Луцкевічам, — «Аляксандр Коўш», «Аляксандр Уласаў», «Янка Шутовіч», «Пётра Сергіевіч» (усе 2000), «Канстанцін Галкоўскі», «Мар'ян Пецюкевіч» (абедзве 2001), «Адам Станкевіч», «Антон Антановіч» (абедзве 2002). На беларускую мову пераклала з літоўскай кнігу «Па Віліі» Ч. Кудабы (1992), нарыс «Вучыцца жыць» А. Жэмайцітэ (1988).

Літаратура

• Саламевіч Я. Войцік // ЭГБ у 6 т. Т. 6, кн. ІІ. Мн., 2003.