Гданьская бібліятэка Польскай акадэміі навук
Гданьская бібліятэка Польскай акадэміі навук (польск.: Biblioteka Gdańska Polskiej Akademii Nauk — бібліятэка ў структуры Польскай акадэміі навук, якая размяшчаецца ў гістарычным будынку ў Старым горадзе Гданьска.
| Гданьская бібліятэка Польскай акадэміі навук | |
|---|---|
 | |
| Краіна | |
| Адрас | Гданьск, вул. Валовая, 15 |
| Заснавана | 1596 |
| Код ISIL | PL-46 |
| Фонд | |
| Склад фонду | нацыянальныя і замежныя навуковыя дакументы ўніверсальнага профіля |
| Вэб-сайт | bgpan.gda.pl |
 Медыяфайлы на Вікісховішчы | |
Гісторыя правіць
Створана ў 1596 годзе як бібліятэка гарадской рады Гданьска на аснове збору з 1 161 тома, падараванага 28 верасня 1591 года італьянскім гуманістам Янам Бернардам Баніфацыям гарадской гімназіі ў Гданьску ў абмен на пажыццёвае знаходжанне ў мясцовым Доме прафесараў. Падарунак быў узбагачаны калекцыямі гданьскіх тэолагаў і юрыстаў таго часу, аб'ёмам больш за 4 000 тамоў.
У пачатку ХІХ стагоддзя фонд бібліятэкі налічваў больш за 26 тысяч тамоў. У 1879 годзе бібліятэка папоўнілася калекцыяй Іагана Вільгельма Упхагена, а ў 1880, 1893 і 1898 гадах — калекцыямі натураліста Францішка Менгі, Аўгуста Бертлінга і Заходнепрускага гістарычнага таварыства. У 1899 годзе аб’ём кнігазбору склаў 111 тысяч тамоў.
Падчас Другой сусветнай вайны немцы вынеслі за межы бібліятэкі самыя каштоўныя рукапісы і старадрукі. У выніку аднаўленчых мерапрыемстваў пасля вайны супрацоўнікі бібліятэкі аднавілі каля 80 тысяч каштоўных выданняў. У 1955 годзе бібліятэка была ўключана ў структуру Польскай акадэміі навук.
На канец 2005 года ў зборах бібліятэкі налічвалася амаль 800 000 тамоў.
Фонды правіць
- Выданні ХІХ-ХХІ стагоддзяў - 551 113 тамоў
- Перыядычныя выданні ХІХ-ХХІ стагоддзяў - 7131 найменняў
- Музейныя экспанаты - 54 адзінкі
- Мікрафільмы - 5 021 адзінак
Спасылкі правіць
На Вікісховішчы ёсць медыяфайлы па тэме Гданьская бібліятэка Польскай акадэміі навук
