Геаграфічны атлас
Геаграфічны а́тлас — сістэматызаваны збор геаграфічных карт. Аб’яднаны агульнай назвай, выкананы па адзінай праграме сродкамі картаграфічнага адлюстравання ў форме цэласнага картаграфічнага твора.
| Геаграфічны атлас | |
|---|---|
 | |
| Названа ад | Atlas of Mauretania[d] |
| Вывучаецца ў | atlas cartography[d] |
| Entry in abbreviations table | атл. |
 Медыяфайлы на Вікісховішчы | |
Назва дадзена фламандскім картографам Герардам Меркатарам (збор карт; 1595) у гонар Атласа, міфічнага караля Лівіі.
Класіфікуюць атласы па тэрытарыяльным ахопе — свету, асобных кантынентаў ці буйных частак, краін, асобных абласцей, правінцый і раёнаў, атласы гарадоў; па змесце — агульнагеаграфічныя, тэматычныя (геалагічныя, кліматычныя, сельскай гаспадаркі, прамысловасці і г.д.); па прызначэнні — навукова-даведачныя, краязнаўчыя, вучэбныя, ваенныя, турысцкія, дарожныя і інш.; па фармаце — настольныя, сярэднефарматныя, кішэнныя.
Геаграфічныя алтасы могуць уключаць тэксты, табліцы, даведачна-статыстычныя звесткі.
Атлас «Беларуская Савецкая Сацыялістычная Рэспубліка» выдадзены ў 1958, вучэбны атлас — у 1990 (атлас «Беларуская ССР»), Нацыянальны атлас Беларусі — у 2002 годзе.
Літаратура
правіць- А. В. Саломка. Атлас геаграфічны // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 74. — 10 000 экз. — ISBN 985-11-0035-8. — ISBN 985-11-0061-7 (т. 2).