Генадзь Уладзіміравіч Васюк

Генадзь Уладзіміравіч Васюк (нар. 13 ліпеня 1961, в. Старыя Гернікі, Шчучынскі раён, Гродзенская вобласць) — беларускі гісторык-медыявіст. Спецыяліст па гісторыі праваслаўнай царквы і міжканфесійных адносін у Рэчы Паспалітай. Кандыдат гістарычных навук (1992), дацэнт (2000).

Генадзь Уладзіміравіч Васюк
Дата нараджэння	13 ліпеня 1961(1961-07-13) (62 гады)
Месца нараджэння	Старыя Гернікі, Касцянеўскі сельсавет, Шчучынскі раён, Гродзенская вобласць, БССР, СССР
Род дзейнасці	медыявіст, гісторык
Месца працы	Гродзенскі дзяржаўны ўніверсітэт імя Янкі Купалы
Навуковая ступень	кандыдат гістарычных навук (1992)
Навуковае званне	дацэнт (2000)
Альма-матар	гістарычны факультэт ГрДУ імя Янкі Купалы (1988)
Узнагароды	Грамата Міністэрства адукацыі Рэспублікі Беларусь (2013)

Біяграфія

Нарадзіўся 13 ліпеня 1961 года ў вёсцы Старыя Гернікі Шчучынскага раёна.

Скончыў у 1988 годзе гістарычны факультэт ГрДУ імя Я. Купалы, у 1992 годзе — аспірантуру БДУ. У 1992 годзе абараніў кандыдацкую дысертацыю па тэме «Праваслаўная царква ў Рэчы Паспалітай у 80-я — 90-я гады XVI — першай палове XVII стагоддзя».

З 1992 года працуе ў ГрДУ імя Я. Купалы: асістэнт, дацэнт, загадчык кафедры ўсеагульнай гісторыі, начальнік вучэбнага аддзела, дацэнт кафедры ўсеагульнай і славянскай гісторыі.

Навуковая дзейнасць

Даследуе ўсеагульную гісторыю царквы, праваслаўнай царквы Вялікага Княства Літоўскага і Польшчы ў XIV—XVIII стагоддзях, гісторыю краін Заходняй Еўропы і Візантыі ў Сярэдневякоўі, заходнееўрапейскай сярэднявечнай гістарыяграфіі.

Узнагароды

Узнагароджаны Граматай Міністэрства адукацыі Рэспублікі Беларусь (2013).

Бібліяграфія

• Беларусь у кантэксце еўрапейскай гісторыі: асоба, грамадства, дзяржава: зборнік навуковых артыкулаў. Гродна, 2021.
• Народы и культуры славянского мира Восточной Европы в исторической ретроспективе (Беларусь, Украина, Россия, Польша). Гродно, 2020.
• Государства Центральной и Восточной Европы в исторической перспективе: сборник научных статей. Вып. 4. Пинск, 2019.
• Хрысціянства ў гістарычным лёсе беларускага народа: зборнік навуковых артыкулаў. Гродна, 2008.

Літаратура

• ВАСЮК Генадзь Уладзіміравіч // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.