Група беларускіх міратворцаў у Ліване
Група беларускіх міратворцаў у Ліване — кантынгент ваеннаслужачых Узброеных Сіл Рэспублікі Беларусь, які ўдзельнічае ў міратворчай аперацыі ў Ліване. Афіцэрскі кампанент групы склалі байцы міратворчай роты, а медыцынскі — прадстаўнікі медыцынскага атрада спецыяльнага прызначэння (МАСП) 432-га ваеннага шпіталя.
| Група беларускіх міратворцаў у Ліване | |
|---|---|
| Гады існавання | з 17 лістапада 2010 |
| Краіна |
 Беларусь |
| Падпарадкаванне |
 UNIFIL |
| Уваходзіць у |
 Італьянская зона |
| Тып | міратворчыя сілы |
| Складаецца з |
 Міратворчая рота Беларусі 432-гі Галоўны ваенны клінічны медыцынскі цэнтр |
| Колькасць | 7 чалавек |
| Дыслакацыя |
 г. Эн-Накура, Ліван |
 Вонкавыя выявы
| |
|---|---|
| Фатаграфіі з архіва падпалкоўніка Ю. Малага, які служыў у Ліване ў 2012—2013 гадах. | |
|
Члены беларускай групы з грамадзянскімі прадстаўнікамі. |
|
|
Малы і трое вайскоўцаў з іншых краін. |
|
|
Малы і яго службовы аўтамабіль. |
|
|
Працоўнае месца афіцэра штаба. |
| Вонкавыя выявы
| |
|---|---|
| Фатаграфіі з архіва ваенных медыкаў Веры Паўлянковіч і Вольгі Яхнавец, якія служылі ў Ліване ў 2017—2018 гадах. | |
|
|
Агульны фотаздымак беларускага медыцынскага кантынгенту. |
|
|
У перавязачнай. |
Вопыт удзелу ў ліванскай місіі значна дапамог беларускім вайскоўцам пры правядзенні гуманітарнай аперацыі ў Сірыі ў 2023 годзе[1].
Гісторыя правіць
2 жніўня 2010 года прэзідэнт Беларусі Аляксандр Лукашэнка падпісаў указ №400 «Аб накіраванні вайскоўцаў Узброеных Сіл Рэспублікі Беларусь для ўдзелу ў дзейнасці па падтрыманні міжнароднага міру і бяспекі ў Ліванскай Рэспубліцы»[2].
У Ліван беларусы прыбылі 17 лістапада таго ж года[3].
Адпраўка міратворцаў за мяжу ажыццяўлялася ў рамках закона ад 29 лістапада 2003 года «Аб парадку накіравання ваеннаслужачых, асоб начальніцкага і радавога складу органаў унутраных спраў, Следчага камітэта Рэспублікі Беларусь, органаў фінансавых расследаванняў Камітэта дзяржаўнага кантролю Рэспублікі Беларусь, органаў і падраздзяленняў па надзвычайных сітуацыях, пракурорскіх работнікаў, а таксама грамадзянскага персаналу за межы Рэспублікі Беларусь для ўдзелу ў дзейнасці па падтрыманню міжнароднага міру і бяспекі». Згодна з артыкулам 5 гэтага дакумента, «адпраўка ваеннаслужачых, асоб начальніцкага і радавога складу, пракурорскіх работнікаў, а таксама грамадзянскага персаналу за межы Рэспублікі Беларусь для ўдзелу ў дзейнасці па падтрыманню міжнароднага міру і бяспекі ажыццяўляецца з іх асабістай пісьмовай згоды па рашэнню Прэзідэнта Рэспублікі Беларусь»[4].
Станам на верасень 2021 года ў місіі прынялі ўдзел больш за 50 вайскоўцаў[5].
Кантынгент правіць
Планавалася, што ў краіну накіруецца група ў дзесяць чалавек, але пазней яна была скарочаны[6]. Станам на 2011[7]—2013 гады ў міратворчай аперацыі ўдзельнічалі трое: штабны афіцэр і медыкі пры шпіталі Узброеных сіл Індыі[8].
16 кастрычніка 2019 года было афіцыйна заяўлена, што беларускі кантынгент у Ліване будзе павялічаны. Адпаведны дакумент быў падпісаны падчас сустрэчы памочніка міністра абароны па пытаннях міжнароднага ваеннага супрацоўніцтва Алега Воінава і дэлегацыі пасольства Італіі ў Мінску. Павелічэнне беларускага кантынгенту прадугледжана двухбаковым пагадненнем Мінска і Рыма[9]. На той момант там служыла 5 чалавек[6].
2 жніўня 2020 года ў Ліван накіравана трое вайскоўцаў: двое з іх праходзілі службу ў штабе сектара «Захад» на пасадах спецыялістаў штаба ў складзе італьянскага кантынгенту місіі, а трэці накіраваны ў рамках планавай замены беларускага лекара ў складзе вайсковага шпіталя місіі[10]. Такім чынам, кантынгент пашыраны да сямі міратворцаў: адзін афіцэр штаба, два спецыялісты штаба сектара «Захад» і чатыры медыцынскія спецыялісты вайсковага шпіталя[6]. Апошнія працавалі ў складзе хірургічнай брыгады — два лекары і дзве медыцынскія сёстры[1].
У тым жа годзе прадстаўнікі Мінабароны заявілі, што плануюць зноў павялічыць колькасць беларускіх міратворцаў за мяжой[11]. Упершыню пра гэта стала вядома 16 лістапада, калі пра падобныя планы паведаміў журналістам старшы афіцэр аддзела міжнароднага ваеннага супрацоўніцтва і міратворчай дзейнасці камандавання сіл спецыяльных аперацый УС Беларусі Сяргей Тарасевіч[12].
Быт і работа правіць
У сферу дзейнасці афіцэра штаба ўваходзіць арганізацыя стратэгічнага дыялогу. Ён прадугледжвае рэгулярны ўсебаковы аналіз сухапутнага і марскога складнікаў баявога патэнцыялу часовых сіл і ліванскай арміі на поўдні краіны, удасканаленне пры садзейнічанні дзяржаў-донараў баявога патэнцыялу арміі Лівана ў інтарэсах выканання задач, вызначаных Рэзалюцыяй 1701. Непасрэдна беларускі бок займаецца планаваннем, падрыхтоўкай і дакументальным суправаджэннем мерапрыемстваў у рамках стратэгічнага дыялогу, у тым ліку арганізацыяй двухбаковых сустрэч кіраўніцтва місіі і ліванскіх узброеных сіл[13].
Рабочае месца беларускіх сіл абсталявана ў офісе. У наяўнасці ёсць кампутар, неабходная аргтэхніка, тэлефонны апарат. Акрамя таго, кожнаму вайскоўцу місіі выдаецца тэлефон стандарту DECT, які працуе ў межах базы. Афіцэры штаба таксама мелі службовыя аўтамабілі падвышанай праходнасці. Міратворцы размяшчаюцца ў зборна-шчытавым будынку, падзеленым на адсекі — тыпавыя пакоі. Афіцэры кантынгенту маюць асобныя пакоі, з некалькімі шафамі для адзення, ложкам, двума сталамі, крэсламі і тэлевізарам у кожнай з іх[13].
Работа ідзе з панядзелка па пятніцу з 8 раніцы да 18 гадзін вечара, а ў суботу — з 8 раніцы да 12 дня. У нядзелю ў міратворцаў выхадны[13].
Заўвагі правіць
- ↑ а б Ирина Лукашик. Беларусь приходит на помощь странам, которым нужна - в Минске военных медиков наградили за работу в Сирии // СБ. Беларусь сегодня : газета. — 24 марта 2023.
- ↑ Белорусские миротворцы в Ливане, В Ливан направляется группа белорусских миротворцев
- ↑ «Работаем в кризисных регионах мира». Какие задачи выполняет витебская миротворческая рота Архівавана 27 чэрвеня 2021.
- ↑ Денис Бурковский. Беларусь планирует увеличить число миротворцев за рубежом. Разобрались, куда они могут поехать Архівавана 13 мая 2021. // TUT.BY, 24 ноября 2020
- ↑ Белорусские миротворцы отправятся в сентябре в Ливан
- ↑ а б в Миротворческая деятельность на сайте Минобороны Белоруссии. Архівавана з першакрыніцы 17 мая 2021. Праверана 26 лютага 2021.
- ↑ О подписании Меморандума о взаимопонимании между Организацией Объединенных Наций и Правительством Республики Беларусь, предоставляющим ресурсы для миротворческой миссии ООН в Ливане
- ↑ Беларусь готовит военного офицера для участия в миротворческой миссии в Южном Судане
- ↑ Беларусь увеличит контингент в миссии ООН в Ливане
- ↑ Белорусские миротворцы направляются в миссию ООН в Ливане Архівавана 15 кастрычніка 2020.
- ↑ Беларусь хочет увеличить число своих миротворцев в горячих точках мира(недаступная спасылка) // Комсомольская правда, 30 ноября 2020
- ↑ Число белорусских миротворцев в Ливане планируют увеличить // СБ. Беларусь Сегодня, 17 ноября 2020
- ↑ а б в Белорусский офицер рассказал о своей службе в составе Временных сил ООН в Ливане
Спасылкі правіць
- Вераніка Канюта. Як беларускія дзяўчаты частавалі ліванцаў стравамі з бульбы // Звязда : газета. — 20 января 2018.
- Чем занимаются белорусские миротворцы в Ливане?, 10 июля 2017 (новостной сайт ООН)