Гудзевіцкі дзяржаўны літаратурна-краязнаўчы музей

Гудзевіцкі дзяржаўны літаратурна-краязнаўчы музей — музей у аграгарадку Гудзевічах (Мастоўскі раён, Гродзенская вобласць).

Гудзевіцкі дзяржаўны літаратурна-краязнаўчы музей
Профіль комплексны
Заснаваны 1965
Падпарадкаванасць аддзел культуры Мастоўскага райвыканкама.
Месцазнаходжанне Гродзенская вобласць, Мастоўскі раён, Гудзевічы, 231626
Памеры фонду 13 395
Агульная плошча 729
Выставачная плошча 580
Плошча запаснікаў 96
Адкрыты 9.00–17.00, без выхадных
Лагатып Вікісховішча Медыяфайлы на Вікісховішчы

Гісторыя правіць

 
Фрагмент экспазіцыі.
 
Фрагмент экспазицыи.

Створаны на базе школьнага літаратурна-краязнаўчага музея, які ў сваю чаргу стварыў былы настаўнік беларускай мовы і літаратуры Алесь Мікалаевіч Белакоз. Школьны музей прыняў сваіх першых наведвальнікаў 2 лютага 1968 года. Яго адкрыццё было прымеркавана да 130-годдзя з дня нараджэння Кастуся Каліноўскага. Першыя экспанаты датуюцца 1965 годам.

Школьнікі пад кіраўніцтвам Белакоза пачалі пісаць лісты пісьменнікам, мастакам, дзеячам навукі і культуры з просьбай даслаць выказванне пра беларускую мову, чарнавік ці рукапіс свайго твора, кнігу з аўтографам і інш. Назбіралася многа матэрыялаў і быў адчынены школьны літаратурна-краязнаўчы музей. Спачатку музей размяшчаўся толькі ў адным пакоі (цяпер гэта 1-ая літаратурная зала).

У 1981 годзе пабудавалі новую двухпавярховую школу. Тады пад музей аддалі будынак старой школы, які размясціў чатыры экспазіцыйныя залы і калідор. Адчынены ў 1984 годзе.

Яшчэ ў 1980 годзе калгас дапамог перавезці з в. Семярэнкі да музея хатку, пабудаваную ў канцы XVIII стагоддзя. Першая экскурсія ў ёй была праведзена 6 студзеня 1981 года. Пазней, у 1995 годзе, калгас дапамог перавесці да хаткі свіронак (таксама з в. Семярэнкі).

У 1990 годзе загадам Гродзенскага упраўлення культуры № 10 ад 12.02.1990 г. на аснове рашэння Мастоўскага раённага Савета народных дэпутатаў № 269 ад 17.01.1990 г. музей стаў дзяржаўным.

Тады ж пад музей быў перададзены 2-гі школьны будынак, дзе ў гэты ж год была адчынена зала «Народная медыцына», праект якой зрабіў мастак Алесь Ступень. У гэтым жа будынку ў 1990 годзе былі аформлены дзве залы «Лёну і народнага ткацтва», мае ўнікальную калекцыю падвойных дываноў. У 1991 годзе два асобныя музейныя будынкі злучыліся трэцім, новым. Паступова і тут адчыніліся экспазіцыйныя залы. У 1997 годзе была зроблена зала «Гісторыя Гудзевіч у дакументах і фотаздымках». Зала «Гудзевічы ў мастацтве» і выставачная зала прынялі наведвальнікаў адпаведна у 2000 г. і 2001 г. У 2002 годзе адчынілася зала «Практычнага ткацтва», дзе размясціліся трое дзеючых вялікіх кроснаў, на якіх супрацоўніцы музея ткуць падвойныя дываны, посцілкі, абрусы, ручнікі, сурвэткі.

Гл. таксама правіць

Спасылкі правіць