Мы, Беларусы, з братняю Руссю,
Разам шукалі к долі дарог.
У бітвах за волю, у бітвах за долю
Мы здабылі з ёй сцяг перамог!
Прыпеў:
Нас аб’яднала Леніна імя,
Сталін павёў нас к шчасцю ў паход.
𝄆Слава Саветам! Слава Радзіме!
Слава табе, Беларускі народ!𝄇
У слаўным саюзе люд Беларусі
Вырас, як волат нашых былін.
Вечна мы будзем вольныя людзі,
Жыць на шчаслівай, вольнай зямлі!
Прыпеў
Дружбай народаў мы назаўсёды,
Нашы граніцы ў сталь закуём.
Ворагаў хмары грозным ударам,
З нашых прастораў прэч мы змяцём!
Прыпеў
|
Мы, Беларусы, з братняю Руссю,
Разам шукалі к шчасцю дарог.
У бітвах за волю, у бітвах за долю
З ёй здабылі мы сцяг перамог!
Нас аб’яднала Леніна імя,
Партыя к шчасцю вядзе нас у паход.
𝄆Партыі слава! Слава Радзіме!
Слава табе, Беларускі народ!𝄇
Сілы гартуе, люд Беларусі,
У братнім саюзе, у мужнай сям’і.
Вечна мы будзем, вольныя людзі,
Жыць на шчаслівай, вольнай зямлі!
Нас аб’яднала Леніна імя,
Партыя к шчасцю вядзе нас у паход.
𝄆Партыі слава! Слава Радзіме!
Слава табе, наш свабодны народ!𝄇
Дружба народаў — сіла народаў,
К шчасцю працоўных сонечны шлях.
Горда ж узвіся ў светлыя высі,
Сцяг камунізму — радасці сцяг!
Нас аб’яднала Леніна імя,
Партыя к шчасцю вядзе нас у паход.
𝄆Партыі слава! Слава Радзіме!
Слава табе, наш савецкі народ!𝄇
|
