Вікіпедыя

Джаэл Фамее

ганскі футбаліст

Джаэл Фамее (англ.: Joel Fameyeh; нар. 14 мая 1997, Кумасі, Гана) — ганскі футбаліст, нападнік расійскага клуба «Балтыка» з Калінінграда (у арэндзе з казанскага «Рубіна»).

Футбол
Джаэл Фамее
Нарадзіўся 14 мая 1997(1997-05-14)[1] (27 гадоў)
Грамадзянства  Гана
Рост 180 см
Вага 73 кг
Пазіцыя нападнік
Інфармацыя пра клуб
Клуб Расія Балтыка
Нумар 10
Клубная кар’ера[* 1]
2015 Гана Асоква Дэпартыва 24 (28)
2016 Гана Ва Ол Старз 0 (0)
2016 →  Беларусь Белшына (Бабруйск) 12 (5)
2016 →  Беларусь Дынама (Брэст) 15 (5)
2017—2019 Сцяг Беларусі Дынама (Брэст) 61 (17)
2019—2022 Расія Арэнбург 84 (34)
2022— Расія Рубін (Казань) 45 (14)
2024— →  Расія Балтыка (Калінінград)
Нацыянальная зборная[* 2]
2015—2021 Гана Гана 6 (2)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 лютага 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 3 чэрвеня 2022

Клубная кар’ера

правіць

У 2015 годзе выступаў у другім дывізіёне Ганы за клуб «Асоква Дэпартыва» з роднага горада Кумасі. У пачатку 2016 года правы на іграка набыў іншы ганскі клуб «Ва Ол Старз», пазней Джаэл праходзіў прагляд у французскіх клубах «Рэн» і «Бастыя», але не падышоў.

У сакавіку 2016 года стаў іграком беларускага клуба «Белшына»[2]. У першым жа матчы за новы клуб (у Кубку Беларусі супраць «Нафтана») адзначыўся голам (1:1), аднак у адказным матчы быў выдалены, а каманда саступіла 1:3. Пазней здолеў замацавацца ў аснове бабруйчан. У ліпені 2016 года перайшоў у іншы беларускі клуб — брэсцкае «Дынама»[3], дзе таксама стаў асноўным нападнікам. Усяго ў сезоне 2016 забіў 10 галоў у чэмпіянаце Беларусі, стаўшы пятым бамбардзірам турніру.

У студзені 2017 года «Дынама» выкупіла права на Фамее ў клуба «Ва Ол Старз» і падпісала з нападнікам трохгадовы кантракт[4]. У першай палове 2017 года трывала гуляў у стартавым складзе, пазней стаў у асноўным выхадзіць на замену. У сезоне 2018 трывала з’яўляўся ў стартавым складзе, хоць часам застаўваўся на лаўцы запасных. Добра пачаў сезон 2019, калі ў 10 матчах чэмпіянату Беларусі адзначыўся пяццю галамі.

У ліпені 2019 года перайшоў у расійскі клуб «Арэнбург»[5]. У сезоне 2019/20 гуляў у Прэм’ер-лізе, пасля працягваў гуляць за каманду ў ФНЛ.

У чэрвені 2022 года ў якасці свабоднага агента падпісаў трохгадовы кантракт з казанскім «Рубінам»[6]. У лютым 2024 года на правах арэнды далучыўся да калінінградскай «Балтыкі»[7].

Міжнародная кар’ера

правіць

18 кастрычніка 2015 года дэбютаваў у нацыянальнай зборнай Ганы (складзенай з ігракоў мясцовага чэмпіянату) у матчы супраць Кот-д’Івуара, у якім забіў два галы і прынёс сваёй камандзе перамогу з лікам 2:1.

Дасягненні

правіць

Крыніцы

правіць
  1. ↑ Joel Fameyeh // Transfermarkt — 2000. Праверана 9 кастрычніка 2017.
  2. ↑ "Белшина" подписала контракт с 18-летним нападающим из Ганы (руск.). football.by (4 сакавіка 2016). Праверана 9 лютага 2024.
  3. ↑ Торрес, Букаткин, Фамейе, Гаврилович и еще пять игроков подписали контракты с брестским "Динамо" (руск.). football.by (28 ліпеня 2016). Праверана 9 лютага 2024.
  4. ↑ Брестское "Динамо" выкупило права на Фамейе (руск.). football.by (10 студзеня 2017). Праверана 9 лютага 2024.
  5. ↑ Брестское "Динамо" объявило о переходе Фамейе в "Оренбург" (руск.). football.by (11 ліпеня 2019). Праверана 9 лютага 2024.
  6. ↑ Фамейе стал одноклубником Лисаковича (руск.). football.by (3 чэрвеня 2022). Праверана 9 лютага 2024.
  7. ↑ Экс-форвард брестского "Динамо" вновь стал партнером Виталия Лисаковича (руск.). football.by (8 лютага 2024). Праверана 9 лютага 2024.
Узята з "https://be.wikipedia.org/w/index.php?title=Джаэл_Фамее&oldid=4673709"